Guardiola zbulon arsyen pse iu bashkua Cityt

Pep Guardiola përshkruan David Silva si një nga lojtarët më të mirë që ai ka punuar me ta, teksa e ka quajtur yllin spanjoll edhe si njërin nga arsyet pse ai vendosi të transferohej te Manchester City.

Silva është tash e disa vite pjesë e Manchester Cityt dhe që nga transferimi i tij nga Valencia ka arritur të fitoj dy tituj të Ligës Premier, duke qenë njëri nga futbollistët më të rëndësishëm të skuadrës.

Lexo po ashtu Guardiola sponsorizon Sampaolin si trajner të Barcelonës

Fantazisti spanjoll po vazhdon të jetë pjesë e rëndësishme e skuadrës edhe tani nën urdhrat e trajnerit të ri, Pep Guardiola, i cili e ka shumë përzemërt Silvan.

Sipas ish-trajneri të Barcelonës, Silva është njëri nga futbollistët më të mirë që ka trajnuar ndonjëherë, teksa ishte edhe njëri nga arsyet kur vendosi t’i bashkohej Cityt.

“David Silva është njëri nga lojtarët më të mirë që kam trajnuar ndonjëherë në jetën time kështu që unë jam njeri me fat që të jem me të”, ka thënë Guardiola për mediat angleze.

Lexo po ashtu Futbollistët që kanë asistuar më shumë në Ligën Premier nga sezoni 2012/13 (Foto)

“Një nga arsyet se pse kam vendosur për të ardhur këtu është për shkak se unë kam qenë i kënaqur të jem me të”, transmeton Telegrafi.

“Kam qenë në Spanjë, kur ai ishte me Valencian. Isha në Barcelonë dhe mendova, Wow! Ky djalë është i veçantë”.

“Por, unë u impresionuar më së shumti kur e takova atë, me faktin se sa konkurrues është ai. Aftësitë e tij, ju i dini, sepse ai është që një kohë të gjatë këtu në Angli, por ai është një fitues, ka mentalitet fituesi, është një luftëtar, ai vrapon, ai është një lojtar fantastik”, përfundoi trajneri spanjoll. /Telegrafi/