Edhe tetë ditë afat për OBRM-PDUKM-në, BDI opsioni i vetëm (Video)

Edhe tetë ditë kalon afati i mandatit të OBRM-PDUKM-së për formimin e qeverisë. Deri tani nga takimet që u zhvilluan mes liderëve të partive nuk ka dal asgjë konkrete. Megjithatë OBRM-PDUKM me optimizëm vazhdon të mbaj të njëjtin qëndrim, se kryetari i partisë së tyre Nikolla Gruevski po zhvillon bisedimet për formimin e qeverisë së re.

“Kryetari Gruevski ka mandat të plotë nga komiteti qendror i VMRO-DPMNE-së, që t’i zhvillojë negociatat për formimin e qeverisë së re. Ai është mandatarë si udhëheqës i partisë më të madhe në R.M. mandat legjitim i dhënë nga qytetarët e Maqedonisë dhe nga presidenti i shtetit Gjorgje Ivanov. Në këtë periudhë ai i vazhdon konsultimet në lidhje me këtë çështje të rëndësishme”, tha Vllatko Gjorçev, deputet i OBRM-PDUKM-së.

Pas takimeve të Ali Ahmetit me liderët e partive Maqedonase, Zaev dhe Gruevski, Bashkimi Demokratik për Integrim po zhvillon takime brenda partiake për t’i shqyrtuar kërkesat dhe qëndrimet e partive maqedonase për formimin e qeverisë.

Ndërkaq koalicioni “Aleanca për Shqiptarët” mbanë qëndrimin se nuk do të bëj asnjë marrëveshje më OBRM-PDUKM-në, nëse kryetari i kësaj partie Nikolla Gruevski nuk u kërkon falje shqiptarëve.

Ndërsa koalicioni “Rilindje me Besë” mbanë qëndrimin se koalicioni me OBRM-PDUKM-në është i pamundur nëse lidershipi i kësaj partie nuk riformohet. Bazuar në këto qëndrime, partneri i vetëm i mundshëm për formimin e qeverisë me OBRM-PDUKM është Bashkimi Demokratik për Integrim./Telegrafi/

https://www.youtube.com/watch?v=X6VytxAGcss