Lëvizja Besa: E dënojmë ndalimin e Ramush Haradinajt në Francë

Lëvizja Besa me një komunikatë drejtuar Telegrafit në Maqedoni ka dënuar ndalimin dhe arrestimin e kryetarit të AAK-së dhe ish-kryeministrin e Kosovës, Ramush Haradinaj në Francë duke vepruar ndaj fletë-arrestit të lëshuar nga Serbia.

”Lëvizja BESA e dënon dhe e vlerëson si të padrejtë aktin e ndalimit të Kryetarit të AAK-së, Ramush Haradinaj, nga organet e rendit në Francë, edhe pse Tribunali i Hagës atë e ka liruar nga çdo akuzë. Me këtë rast apelojmë deri te shteti i Francës, por edhe te gjithë bashkësia ndërkombëtarë, si dhe organizatat ndërkombëtare për mbrojtjen e të drejtave të njeriut që sa më parë të ndërhyjnë në funksion të mbrojtjes së të drejtave themelore të njeriut dhe lirisë për lëvizje të lirë, që të ndërpritet maltretimi i mëtutjeshëm Haradinajt. Po ashtu apelojmë që të respektohen institucionet politike të Republikës së Kosovës dhe mos të lihet hapësirë për agjenda të cilat e kërcënojnë stabilitetin dhe sigurinë e rajonit. Mosazhurimi i procedurave për lëvizjen e lirë të Haradinajt mund të merret edhe si një mossukses i diplomacisë kosovare, andaj kërkojmë angazhim më të madh në këtë drejtim.” reagojnë nga Lëvizja Besa./Telegrafi/

Lexo po ashtu Aleanca për Shqiptarët: Politika serbe shumë larg konceptit evropia