Një grup studentësh të përzgjedhur nga gjenerata e tretë e KEDS Academy, së fundmi vizituan qytetin e Stambollit, për të zgjeruar më tej njohuritë e tyre teorike dhe praktike.
Gjatë kësaj vizite të organizuar nga KEDS, studentët vizituan Universitetin Boğaziçi, selitë e kompanive Limak dhe Çalik, dhe shumë vende të tjera për të parë nga afër disa nga zhvillimet më të reja të kësaj industrie.
Në laboratorët e Universitetit Boğaziçi, për studentët u mbajt një ligjëratë lidhur me aksidentet e mundshme në pajisjet elektrike dhe rëndësinë e sigurisë në vendin e punës. Në një leksion tjetër tepër atraktiv, ata u njohën me efektet e komunikimit profesional, ku u angazhuan edhe vetë ata.
Gjatë vizitës në Limak, studentët u pritën nga Serhat Dinç, Zëvendësdrejtor i Përgjithshëm i Limak Energy, i cili është anëtar i Bordit Ekzekutiv të KEDS dhe krijues i KEDS Academy. Dinç prezantoi kompaninë, ku foli edhe për projektet e energjisë dhe investimet që ata kanë në mbarë botën.
“Komunikimi me të rinjtë është shumë më i këndshëm. Ne kemi hapur dyert për ju. Po bëjmë maksimumin për t’iu motivuar, dhe kur shohim sukseset tuaja, ne jemi shumë të lumtur që punojmë me ju”, tha Dinç.
Në një diskutim interaktiv, z.Dinç angazhoi nxënësit duke i kërkuar atyre mendimin e tyre në lidhje me programin e KEDS Academy, nëse ata do të ndryshonin diçka në program, për planet e tyre për të ardhmen, dhe se si ata e shohin KEDS-in nga jashtë.
Në një vizitë në kompaninë Çalik, Ridvan Aktürk, Drejtori i Përgjithshëm i kompanisë YEDAŞ Energy, i informoi studentët kosovarë për bizneset dhe investimet e Çalik, pjesë e së cilës është edhe YEDAŞ.
Për më tepër, studentët dhe zyrtarët e KEDS po ashtu vizituan vende dhe monumente kulturore të qytetit të Stambollit.
Këto vizita u lanë përshtypje të shkëlqyeshme të gjithëve.
“Udhëtimi ishte shumë mirë i organizuar dhe ne kishim mundësi të shihnim se si një kompani e madhe duhet organizuar”, tha Erandë Reçica, studente e KEDS Academy.
Të njëjtën përshtypje kishte edhe një pjesëtar tjetër i akademisë, Lorik Peci.
“Vizita e monumenteve historike, Universitetit Boğaziçi dhe kompanive të mëdha, e bëri këtë udhëtim thjesht të mrekullueshëm”.
Kjo ishte hera e tretë që anëtarët e KEDS Academy vizitojnë Stambollin. Vizita të ngjashme ishin organizuar edhe për gjeneratën e parë dhe të dytë të akademisë.
Kjo vizitë ishte përfundimi i programit të gjeneratës së tretë, përderisa KEDS është duke bërë përgatitjet për fillimin e gjeneratës së katërt, që pritet të fillojë së shpejti. /Telegrafi/
Promo
Reklamo këtuLufta Prigozhin - Putin
Më shumëViva Fresh Store renditet si grupi i pestë më i madh i shitjeve me pakicë në Ballkanin Perëndimor!
Qysh bohet kerri i vogël, kerr i ri!
Bëhu banor i kryeveprës së Prizrenit - Grand Residence
Kurrë s’e ke pas ma lehtë se me Telegrafi Jobs me gjetë punë!
Policia me apel për qytetarët: Kujdes nga mashtrimi përmes investimeve të dyshuara online
Hypi kerrit e nisu për n’Grand Blue Fafa këtë vikend
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City