Fenerbahce thellon krizën e Unitedit (Video)

Manchester United edhe zyrtarisht është në krizë të thellë. Kjo mund të konstatohet fare lehtë pas disfatës që gjiganti anglez pësoi nga Fenerbahce në Turqi me rezultat 2-1.

Ndeshja mes dy skuadrave të Grupit A filloi me një atmosferë fantastike nga tifozët vendas.

Vetëm pas dy minutave lojë, u shënua edhe një gol i jashtëzakonshëm në këtë takim.

Ishte sulmuesi senegalez, Moussa Sow që realizoi me gërshërë pas një asistimi nga Kaldirim.

Epërsia e hershme e vendasve bëri që ata të mbyllën dhe të luajnë më kujdesshëm në mbrojtje.

Rastin më të mirë për mysafirët e pati sulmuesi anglez Wayne Rooney, por në portë ishte Volkan Demirel i sigurtë.

Lens u përgjigj në minutën e 59-të me një tjetër supergol për vendasit për 2-0.

Më parë Ibrahimovic u fut në lojë pas lëndimit të Paul Pogbas, por kjo nuk tregoi rezultat.

Deri në fund të takimit Rooney shënoi një gol në minutën e fundit dhe ky gol ishte i pa vlerë e vetëm për rezultatin 2-1.

Në Grupin A udhëheq Feyenoordi me shtatë pikë, po aq sa ka Fenerbahce në vendin e dytë me shtatë pikë por me golaverazh më të dobët, teksa United mban pozitën e tretë me gjashtë pikë. /Telegrafi/

https://www.youtube.com/watch?v=TP1gWQuanG8

https://www.youtube.com/watch?v=HH87b43fx5Y