Deputetët propozojnë që deklarata për liberalizim të hiqet nga rendi i ditës

Deputetët e Kuvendit të Kosovës po vazhdojnë seancë, ku temë diskutimi është deklarata e përbashkët me anë së cilës kërkohet nga Bashkimi Evropian që mos t’u vejë kushte qytetarëve të Kosovës për të qarkulluar pa viza.

Deputetët e pozitës dhe opozitës nuk kanë mundur të merren vesh rreth deklaratës për liberalizim të vizave.

Partitë opozitare kanë paraqitur një deklaratë të re me anë së cilës kërkohet që të arrihet një konsensus për zgjidhjen e çështjes kryesore të demarkacionit me Malin e Zi.

Kryetari i VV-së Visar Ymeri tha se ka pajtim për liberalizim të vizave por ka mospajtim për shënjimin e vijës kufitare.

Edhe Elmi Reçica dhe Ismet Beqiri kanë propozuar që kjo pikë të mos diskutohet fare.

Kryetari i Kuvendit Kadri Veseli tha se ka kërkuar që të paktën që ishte kërkesa e AAk-së që shqyrtimi të bëhet ri-shqyrtim. Ai tha pse nuk lihet edhe shqyrtimi i marrëveshjes.

Pal Lekaj nga AAK tha se janë për liberalizim të vizave, por siq tha ai e çudit fakti pse për dy shkronja po debatohet dhe në këtë drejtim të bëhen pak tolerant.

“Dhe unë me qenë në vend të juajin për dy shkronja kisha pranuar që ta votoj”, tha Lekaj.