Shpërbërja e parlamentit në Maqedoni kushtëzohet me miratimin e buxhetit
Partia maqedonase në opozitë, Lidhja Social Demokrate e Maqedonisë, ka kërkuar mbajtjen e një mbledhjeje të jashtëzakonshme të Parlamentit të Maqedonisë, në të cilën do të duhet të shqyrtohet shpërbërja e kuvendit të Maqedonisë, njofton REL.
Me këtë veprim, sipas tyre, betonohet data e mbajtjes së zgjedhjeve më 11 dhjetor, ashtu siç arritën ujdi liderët e katër partive kryesore politike më 31 gusht, të njohur si marrëveshja e Përzhinos.
“Si pjesë e partive politike nënshkruese të Marrëveshjes së Përzhinos, ne deputetët jemi të obliguar të dëshmojmë se e respektojmë marrëveshjen, për të garantuar zgjidhjen e krizës dhe për t’i mundësuar jetë më të mirë qytetarëve.”
“Çdo përpjekje për shtyrjen e shpërndarjes së Kuvendi nga ana e shumicës, OBRM-PDUKM dhe BDI, do të jetë dëshmi shtesë se qeveria e Nikolla Gruevskit dëshiron të ikë nga zgjedhjet e 11 dhjetori”, ka bërë të ditur kryetari i grupit parlamentar të LSDM-së, Goran Sugareski, pasi këtë kërkesë e ka dorëzuar edhe te kryeparlamentari, Trajko Veljanovski.
Kërkesë për shpërndarjen e Parlamentit të Maqedonisë ka dorëzuar dhe kryetari i Lidhjes Demokratike të Maqedonisë, parti kjo e vogël maqedonase, e cila është pjesë e Qeverisë së Maqedonisë.
“Kriza politike në Maqedoni është stërzgjatur dhe po i shkatërron perspektivat dhe zhvillimin e vendit. Për këtë arsye, janë të domosdoshme zgjedhjet korrekte dhe të besueshme”, deklaroi Pavle Trajanov, nga Lidhja Demokratike, duke theksuar se paraprakisht duhet të miratohet ligji për mbrojtjen e dëshmitarëve dhe ai për vazhdimin e mandatit të Prokurorisë Speciale Publike.
Partia më e madhe maqedonase, OBRM-PDUKM, përmes një komunikate me shkrim, i bën thirrje kryetarit të parlamentit që të thirr mbledhje urgjente, që fillimisht të marrë vizë buxheti për vitin 2017, i cili ka hyrë në procedurë më herët se vitet paraprake, për shkak të zgjedhjeve në dhjetor. Menjëherë pas kësaj, kërkohet që të caktohet mbledhja për shpërbërjen e parlamentit të Maqedonisë.
“Nëse LSDM është e bindur se do ta fitojë mbështetjen në zgjedhjet e ardhshme, nuk është kontestuese që në seancën e parë të votohet bilanci i buxhetit. Mos sjellja e Buxhetit do të ishte një rrezik potencial për futjen e shtetit në krizë financiare, përskaj krizës politike për të cilën po luftojmë që ta tejkalojmë”, theksohet në komunikatën për media të partisë maqedonase në pushtet, OBRM-PDUKM.
Arben Halili, njohës i çështjeve ekonomike, këtë insistim të OBRM-PDUKM-së e sheh si qëllim të pushtetit që të vjelë pikë politike gjatë zgjedhjeve, duke i joshur me projekte kapitale, për të cilat, siç thotë, realisht nuk ka mundësi që të realizohen.
“Arsyeja e vetme se pse insistohet të miratohet buxheti para se të shpërbëhet parlamenti është shumë e thjeshtë. Ky buxhet, ashtu si shumë të tjerë, por veçanërisht ky buxhet, i projektuar për vitin 2017, paraqet një nga fushëbetejat për vjeljen e votave gjatë procesit zgjedhor, duke promovuar me shumë pompozitet projektet kapitale që do të duhet të miratohen në bazë të këtij buxheti, por që realisht çdo qeveri më pas do të jetë e detyruar të bëjë rishikimin e buxhetit, duke shkurtuar mjetet për projekte e parapara”, vlerëson Halili.
Ndërkohë, Shërbimi për Informim i Parlamentit të Maqedonisë ka njoftuar se “Pika për shpërndarjen e Kuvendit do të vendoset në rend dite më 17 tetor, menjëherë pas pikës për miratim të Buxhetit për vitin 2017”. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Isak Vorguçiq tregon për mungesën e gazetarëve dhe sfidat e mediave në gjuhën serbe në Kosovë
E rrahin e më pas ia vjedhin telefonin dhe paratë, arrestohen tre të dyshuar në Fushë Kosovë
Policia jep detaje nga rrahja e anëtarëve të një familje në Shtime, njëri nga të lënduarit u dërgua në QKUK
Dy gra u martuan te Bashkia e Tiranës, Malaj: Kundër veprimeve që e tejkalojnë ligjin
Besnik Berisha: Enver Sekiraqa nuk është arratisur
Fajde nga zyrtari policor - rrëfimi i viktimës se si e humbi pronën
As të dielën nuk gjendet Enver Sekiraqa, pse u la ai në arrest shtëpiak?
“Pse bredh?! Je grua pa burrë”, divorci i 40 vjeçares shkak i ngjarjes tragjike në Lushnje
Flet shqiptari që vrau gruan: Nuk pendohem, hante me paratë e mia dhe më tradhtonte
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Qysh nga raundi i parë u vërejt se diçka nuk shkon me Tyson Furyn - tani publikohen pamjet
Besnik Berisha: Enver Sekiraqa nuk është arratisur
Ato që dimë deri tani rreth aeroplanit “të rrëzuar” të presidentit të Iranit
Dy gra u martuan te Bashkia e Tiranës, Malaj: Kundër veprimeve që e tejkalojnë ligjin
"Askush nuk donte të fliste me mua te Barcelona, vetëm Eric Abidal” - ylli i ri francez tregon vuajtjet te gjiganti i La Ligas
Aeroplani “i rrëzuar” i presidentit të Iranit, thuhet se tanimë ka pasur një kontakt me pasagjerët dhe anëtarët e ekuipazhit