Laban: Vetë përgjuan dhe vetë u zunë! PSP të mos dorëzohet

Rasti me materialet e përgjuara për David Laban, kryetar i Lidhjes së prokurorëve në Washington, është rast i rrallë, pëcjell Telegrafi Maqedoni.

Kryetari i Lidhjes së prokurorëve në Washington porosit Prokurorinë Speciale Publike (PSP) të mos dorëzohet në ndjekjen e gjurmëve, që dalin nga materialet e përgjuara, njofton ”Zëri i Amerikës” në gjuhën maqedonase.

“Mos u dorëzoni, çdoherë punoni për të vërtetën dhe për arsye të vërtetës” – Laban e porosit prokuroren speciale Katica Janeva.

Kryetari i Lidhjes së prokurorëve në Washington, David Laban thotë se duhet të përmbushen tre kushte që PSP të punojë me sukses: pavarësi, në buxhet dhe me ekip.

“Për prokurorët e SHBA-ve është kënaqësi që t’i shohin prokurorët special të maqedonas dhe njerëzit që publikisht shprehin mbështetje duke ju thënë – kjo është ajo që na duhet. Kjo është me rëndësi sepse prokurorja speciale nuk shkon jashtë, me armë në dorë, por është e vendosur të shoh kush çfarë ka bërë, pse e ka bërë dhe a mund që ajo të vërtetohet në gjyq”, deklaron ai.
Rasti me materialet e përgjuara ësht i rallë thotë Laban. “Të harxhohen 50 milion dollarë para publike për të shkuar në Izrael të bleni paisje dhe të përgjoni 20 mijë njerëz, e në fund gjithë informacionet të dalin nga vetë përgjuesit, është ironi e vërtetë. Ata e zunë veten e vetë” – thotë Laban./Telegrafi/