OBRM-PP: Do të miratojmë ligj me të cilën matematika do të mësohet në mënyrë fakultative

“OBRM-Partia popullore konsideron se është e pahijshme që dy partitë më të mëdha të bllokut maqedonas OBRM-PDUKM dhe LSDM, të dëshmojnë se matematika është lënda më e rëndësishme për nxënësit e shkollave fillore dhe të mesme, dhe kjo tashmë merr përmasa tragjikomike në fushatën e tyre parazgjedhore para opinionit publik të Maqedonisë, e cila do ti mbulojë nxënësit me numrin enorm të zmadhuar të orëve nga lënda e matematikës”, kanë reaguar nga kjo parti, transmeton Telegrafi Maqedoni.

“OBRM-PP kërkon që në procesin arsimor të zbatohen përvojat nga vendet ku arrihen rezultatet më të mira, nga se rrjedh mundësia që nxënësi sipas zgjedhjes së vetë të përcaktohet për lëndën të cilën dëshiron ta mëson, në vend të eksperimentimit të vazhdueshëm siç është rasti tek ne.

OBRM-Partia popullore, nëse i fiton zgjedhjet, do të miratojë një ligj me të cilin matematika e cila është e mërzitshme për shumicën e nxënësve do të mësohet në mënyrë fakultative”, thuhet në komunikatën e kësaj partie./Telegrafi/