Niang zbulon pjesë interesante nga bisedat telefonike që ai ka pasur me Pogban pas kalimit te Unitedi

Sulmuesi i Milani, M’Baye Niang, ka zbuluar një pjesë të bisedës telefonike me Paul Pogba pas transferimit të francezit te Manchester Unitedi.

Niang ka zbuluar se Pogba i ka thënë se po kalon një kohë të vështirë të Djatë e Kuq.

Lexo po ashtu Talljet me Pogban arrijnë deri në atë nivel sa që tifozët shqiptarë e nxjerrin në shitje (Foto)

Ylli i Milanit dhe ish-mesfushori i Juventusit ishin pjesë e përfaqësueses së Francës U-19 dhe po ashtu njihen edhe nga koha kur ata luanin në klubet franceze.

“Kam luajtur vetëm një herë me Pogban te U19 ndaj Suedisë dhe atë takim e kemi humbur. Por, ne njihemi që një kohë të gjatë, pasi ai ishte të Le Havre, ndërsa unë te Caen dhe kur ishim 13-vjeç jemi përballur në garat për të rinj”, ka thënë Niang për La Gazzetta dello Sport, transmeton Telegrafi.

“Ne vazhdojmë të mbajmë kontakte, por përpiqemi mos të flasim për futboll. Kohëve të fundit më ka thënë se është e vështirë për atë, por ai ndjen se Jose Mourinho ka besim tek ai”.

Lexo po ashtu United shpenzoi shumë me blerjen e Pogbas? Do të habiteni sa janë përfitimet e klubit!

“I kam thënë që mos të shpërqendrohet nga kritikat. Manchester Unitedi kanë paguar shumë para dhe kështu presin shumë nga ai. E gjitha që ai duhet të bën është të shënon një gol nga 30 metra dhe do të vlejë sërish 100 milionë euro”, ka thënë Niang. /Telegrafi/