LPM e kontestoi para Gjykatës Kushtetuese zgjedhjen partiake të anëtarëve të trupit “ad-hoc”

Lëvizja popullore për Maqedoninë, sot deri te Gjykata Kushtetuese ka dorëzuar iniciativë për vlerësimin e kushtetutshmërisë të zgjedhjes së anëtarëve të trupit “ad-hoc” për mbikëqyrjen e mediave, ka njoftuar Zlate Vojnovski, anëtar i Këshillit ekzekutiv të kësaj partie, transmeton Telegrafi Maqedoni.

“Në nenin 8 pika 1 alineja 3 e Kushtetutës, parashihet që vlerë fondamentale e rregullimit kushtetues është sundimi i së drejtës, sipas nenit 9 të Kushtetutës së Maqedonisë ndalohet diskriminimi në të gjitha pikëpamjet, të gjithë qytetarët para ligjit janë të barabartë, sipas nenit 23 të Kushtetutës çdo qytetarë ka të drejtë që të merr pjesë në drejtimin e ndonjë funksioni publik, në nenin 32 pika 2 nga Kushtetuta parashihet që gjithkujt në kushte të barabarta të ketë qasje për vend pune”- thuhet mes tjerash në komunikatën e LPM.

Mes tjerash nga kjo lëvizje shprehen optimist se Gjykata Kushtetuese do ta merr parasysh nismën e tyre si dhe kanë hedhur akuza për partitë maqedonase LSDM dhe OBRM-PDUKM, për uzurpim të plotë të institucioneve të vendit, dhe për pengim të sundimit të shtetit ligjor në Maqedoni.

„Me këtë u dëshmua se OBRM-PDUKM dhe LSDM nuk dëshirojnë ndarje të shtetit nga partitë por e duan shtetin për vete, nën kontrollin e tyre“, ka thënë Vojnovski i LPM./Telegrafi/