Belgjika është ekipi evropian i renditur më lart se të gjithë në renditjen e përmuajshme të FIFA-s, por trajneri Marc Wilmots e pranon presionin e madh me të cilin përballet kombëtarja e tij, përpara debutimit ndaj Italisë, trajneri i së cilës Antonio Conte pretendon se do të zbresë 11 “luftëtarë” në fushë.
Belgëve u mungon një fitore në ndeshje zyrtare kundër Italisë që prej majit të vitit 1972, ndërsa tetë vite më vonë “djajtë e kuq” arritën në finale pas barazimit pa gola në Torino me italianët. Por një ndeshje mes këtyre dy ekipeve ama, i ka parë të përballen kundër njëri-tjetrit dy trajnerët respektivë: Wilmots dhe Conte u aktivizuan që të dy në sfidën e “Euro 2000” të fituar prej Azzurrëve me rezultatin 2-0. Megjithatë, Italia nuk e ka fituar ndeshjen hapëse në tre Evropianët e fundit, transmeton TCH.
Sa u përket formacioneve të të dy ekipeve, Italia duket se i ka më të qarta idetë, teksa pritet të zbresë me skemën 3-5-2 me Buffon në portë; Barzagli, Bonucci dhe Chiellini në mbrojtje; De Rossi në qendër të mesfushës, Parolo dhe Giaccherini përreth tij, ndërsa Candreva dhe Darmian nga krahët në mbështetje të dyshes sulmuese Pelle-Eder.
Ndërsa për Belgjikën, Wilmots pritet të aktivizojë: Courtois; Alderweireld, Denayer, Vermaelen, Vertonghen; Witsel, Nainggolan; Mertens, De Bruyne, Hazard; Lukaku.
“Fitorja sot do të na jepte më shumë besim për gjithçka, ndërsa një humbje do të na trondiste paksa. Italia është një prej kundërshtarëve më prestigjiozë dhe më të vështirë për t’u përballur, e për më tepër në një ndeshje hapëse, ndaj dhe duhet të jemi në superformë që në fillim. Mendoj se ata bëhen më të rrezikshëm kur vihen me shpatulla pas murit. Ndërkohë, kampionati italian është një nga më të mirët në botë, me lojtarë të klasit të lartë dhe me trajnerë shumë të përgatitur, të cilët bëjnë maksimumin për t’i pasur lojtarët në formë tepër të mirë fizike. Ndërsa ne kemi ende shpresa, duke parë që në 4 vitet e fundit kemi pasur rezultate shumë të mira. Do të kemi mbështetjen e tifozëve dhe e theksoj që do të jetë e nevojshme, pasi unë nuk kam frikë nga presioni”, tha trajneri belg Marc Wilmots.
Italiani Conte është përgjigjur thuajse me të njëjtën monedhë, edhe me lavde për belgët.
“Kemi përballë 23 luftëtarë kundër 23 luftëtarëve. Por vendi ynë na ka vënë me shpatulla pas murit, ndaj dhe duhet të jemi më shumë sesa luftëtarë. Është e rëndësishme kjo, por mbi të gjitha duhet të përdorim trurin dhe të përpiqemi të luajmë ashtu siç jemi përgatitur gjatë ditëve të fundit. Ka shumë pak gjëra që mund të them për Belgjikën, të gjithë i njohin mirë aftësitë dhe kapacitetet e saj, ndërsa puna e tyre ka rezultuar e frytshme duke nxjerrë kaq shumë talente të rinj. I përgëzoj ata, sepse kjo do të thotë që kanë punuar mirë me futbollin. Ata janë të fortë në çdo repart dhe kanë elementë të spikatur dhe, jo vetëm që janë kundërshtarë të fortë sot, por do të jenë të tillë edhe në të ardhmen”, deklaroi Conte.
Promo
Reklamo këtuLufta Prigozhin - Putin
Më shumëCaktohet gjyqtari për ndeshjen kthyese Real-Bayern: Fat i keq për Los Blancos
Humbi një rast të artë dhe u kritikua nga tifozët - ylli i Liverpoolit fshinë të gjitha postimet me fanellën e The Reds
Xavi ka prishur marrëdhëniet me lojtarin e Barcelonës: "Ai as që flet me të, nuk është e drejtë"
Një ish-lojtar i Pep Guardiolës hyri në dhomën e zhveshjes pas fitores rekorde të Man Cityt
Real Madrid po përgatit një njoftim special për Mbappen
Bisedimet kanë nisur, Jose Mourinho befason të gjithë me skuadrën e tij të re
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'