Gjithmonë i pari, njeriu i historisë (Foto/Video)

Sulmuesi i Përfaqësueses së Kosovës, Albert Bunjaku, gjithmonë di si të gjejë rrugën e golit për ta shkruar emrin e tij në historinë e futbollit kosovar.

Gjilanasi edhe pse 32 vjeç vazhdon të jetë në formë të mirë si me skuadrën e tij St. Gallen, po ashtu edhe me Përfaqësuesen e Kosovës.

Bunjaku që për rastësi ka emrin dhe mbiemrin e njëjtë me përzgjedhësin e Kosovës, mbetet sulmuesi kryesor i yni.

Ai në katër ndeshje të zhvilluara për Kosovën vetëm në një nuk ka shënuar. Ndeshja e parë që i shkoi pa gol është ajo kundër Haitit (0-0), transmeton Telegrafi. .

Ai është autor i golit të parë kosovar që kur Kosova filloi të zhvilloj ndeshjen nën vëzhgimin e FIFA-s. Bunjaku shënoi kundër Turqisë në humbjen 6-1.

https://www.youtube.com/watch?v=wl-gwp8KdLc

Sulmuesi që ka mbrojtur edhe ngjyrat e Zvicrës në gjashtë ndeshje, shënoi pas disa ditësh edhe kundër Senegalit ne humbjen 3-1.

Ai mungoi në disa ndeshje për tu kthyer me Kosovën përsëri në ndeshjen me Ishujt Faroe. Kjo ishte ndeshja e parë që kur Kosova u pranua me të drejta të plota në FIFA dhe UEFA.

https://www.youtube.com/watch?v=Cg1ljelDTmU

Ai përsëri u bë pjesë historisë duke marrë mbi supe skuadrën që kishte mbetur me dhjetë lojtarë në fushë. Një harkim të bukur të Leart Paçaradës e ktheu në gol me kokë. Ky ishte goli i tij i tretë, por i dyti që u fut në histori të futbollit kosovar.

Bunjaku pritet që të jetë njëri ndër lojtarët kryesor që do ta udhëheq Kosovën drejt kualifikimeve për në Rusi 2018. /Telegrafi/