Shikoni si do të dukej tabela në PL vetëm me golat e parë të ndeshjeve (Foto)

Liga Premier çdo sezon na dhuron nga 68 mijë e 400 minuta futboll. Për këtë, sigurisht se të gjithë futbolldashësit janë falënderues.

Por, çka nëse një ditë UEFA vendos një rregull të ri, të ndërpriten ndeshjet pas golave të parë?

A thua cili ekip do të ishte më efikas në realizimin e golit të parë? Kjo natyrisht nuk do të ndodhë, por për kuriozitet ja vlen që të analizohet një situatë e tillë për hirë të asaj se cili ekip ka startin më të mirë në ndeshje, shkruan Telegrafi.

Në rast se do të ishte valide kjo rregull në Ligën Premier gjërat nuk do të ndryshonin aq shumë.

Shembull Leicesteri do të mbetej kampion me katër pikë më shumë para Arsenalit, teksa Tottenhami mbyll vendin e tretë.

Befasi do të ishte inkuadrimi i Manchester United, që do të zinte vendin e katërt, pasuar nga Liverpooli, me Cityn që gjendet vetëm në vendin e gjashtë në këtë tabelë.

Chelsea po ashtu ka shënuar mjaft gola të hershëm e do të siguronte vendin e shtatë.

Sipas këtij fakti, pra shumë është me rëndësi cili ekip shënon i pari gol, pasi kjo gjë ndikon në shumicën e rasteve në verdiktin final të takimeve. /Telegrafi/