Në njërin prej këtyre dy stadiumeve shqiptare mund të luajë përfaqësuesja e Kosovës (Foto)

Shqipëria bën detyrën dhe do t’i vërë në dispozicion, nëse e kërkon, një stadium Kosovës që kjo e fundit të marrë pjesë në eliminatoret e Botërorit 2018.

“Loro Boriçi” ose “Elbasan Arena” janë gati për t’iu dhënë Kosovës për ndeshjet kualifikuese. Pas pranimit në FIFA dhe UEFA, kosovarët pritet të njihen edhe me grupin ku do të luajnë në këto eliminatore, por problemi është stadiumi.

Gjasat janë që në Kosovë gjërat të mos bëhen gati në kohë për stadiumin ku do të luajë përfaqësuesja dhe federata kosovare ka dy zgjidhje. Ose të luajë jashtë Kosovës, në Zvicër. Ose në Shqipëri.

Burime në institucionin e futbollit shqiptar bëjnë me dije se Kosovës mund t’i ofrohet një nga stadiumet “Loro Boriçi” ose “Elbasan Arena” që Kosova të luajë ndeshjet zyrtare derisa të ndërtohen përfundimisht stadiumet e tyre. Jo vetëm kaq, por me të gjitha gjasat “Loro Boriçi” për shkak të afërsisë gjeografike do të hapë dyert për kombëtaren kosovare që të luajë ndeshjet e para ndërkombëtare derisa stadiumi i Prishtinës dhe Mitrovicës të plotësojë kushtet e licencimit.

Po kështu UEFA është duke marrë masa shtesë për të siguruar pranimin e fundit të Kosovës në futbollin ndërkombëtar. Po bëhet gjithçka për të mos shkaktuar probleme politike. UEFA do të ngrejë një grup pune për të përcaktuar se cilat ekipet duhet të mbahen larg nga Kosova në garat ndërkombëtare për të shmangur probleme të mundshme, politike, transmeton Shekulli.

UEFA gjithashtu sugjeroi të mërkurën te FIFA se, është e pamundur që lojtarët kosovarë, të cilët më parë kanë përfaqësuar ekipet e tjera kombëtare si Zvicra dhe Shqipëria, të lejohen për të luajtur me Kosovën nga tani e në vazhdim.

“Gjithmonë duhet të marrim masa paraprake për të shmangur përplasjet. Eshtë e qartë se Serbia dhe Kosova mund të kenë probleme nëse luajnë bashkë”, tha duke vepruar si sekretari i përgjithshëm i UEFA-s, Teodor Theodoridis.

UEFA në të kaluarën ka pranuar se ekipe të caktuara të tilla si Spanja dhe Gjibraltari, Rusia dhe Gjeorgjia, Azerbajxhani dhe Armenia nuk mund të luajnë bashkë në kualifikuese. Kosova pritet të bëjë debutimin e saj ndërkombëtar në shtator në kualifikueset për Botërorin 2018.

Klubet e Kosovës mund të marrin pjesë në garat evropiane nga sezoni i ardhshëm, por Teodoridis tha se do të duhet për të përmbushin standardet e klubeve të licencimit të UEFA-s për herë të parë. Këto mbulojnë aspekte të tilla si siguria e stadiumit, transporti, zyrat anti-doping dhe media.

Dyshimi tjetër për Kosovën është se cilët lojtarët do të jenë të ligjëruar për të luajtur për këtë kombëtare. Rregullat e FIFA-s nuk do të lejojnë lojtarët për të ndryshuar kombëtaren, por ka pasur spekulime se mund të bëhet një përjashtim për Kosovën, ndryshime që mund të kenë një ndikim të madh në Zvicër dhe Shqipëri që kanë kontingjente të lojtarëve me rrënjë kosovare.

Drejtori juridik i UEFA-s, Alasdair Bell tha dje për Reutersin se “lajmet paraprake” nga FIFA janë se nuk ka ngjarje të ndodhë që lojtarët e Shqipërisë dhe Zvicrës të luajnë me Kosovën. Gjithsesi, për momentin Kosova duhet të gjejë grupin dhe më pas të mendojë për lojtarët.

2 klube kosovare ka njoftuar UEFA pritet të marrin pjesë në garat evropiane për edicionin e ardhshëm, nëse i plotësojnë kriteret. Feronikeli do të luajë në CHL, kurse fituesi i Kupës, në EL.
Kosova pritet të vendoset në njërin prej grupeve H ose I të kualifikueseve të zonës së Europës, pasi këto të dyja javë të vetmet me nga 5 ekipe pjesëmarrëse, ndërkohë që të gjithë të tjerët kanë nga 6 të tillë. Por, duke qenë se vendet pjesëmarrëse në grupin H, pikërisht Bosnje-Hercegovina, Greqia dhe Qiproja, ende nuk e kanë njohur Kosovën si një shtet sovran, pritet me të gjitha gjasat që Kombëtarja kosovare e futbollit të futet në grupin I, aty ku gjendet edhe Kroacia, ndërkohë që Gjibraltari pritet të vendoset në grupin H.

Gjithsesi, për këtë pritet vendimi përfundimtar i UEFA-s, pasi edhe presidenti i FIFA-s, Xhani Infantino, pas anëtarësimit të FFK-së në organizmin më të lartë botëror të futbollit, deklaroi se i mbetet UEFA-s për të shqyrtuar dhe përcaktuar detajet mbi përfshirjen e Kosovës në kualifikueset e ardhshme të botërorit. Rusia gjithashtu nuk dëshiron të luajë me kosovarët.

Loro Boriçi

Elbasan Arena