Milani po shitet

Corriere dello Sport në Itali ka dhë n jë lajm të madh pasi Silvio Berlusconi është bindur dhe ka vendosur të shesë Milanin.

Pronari i klubit kuqezi nuk ka më dyshime dhe ka pranuar të shesë klubin, me marrëveshjen zyrtare që do të firmoset këtë fundjavë.

Bëhet fjalë për një marrëveshje me bazën e 700 milionë eurove dhe brenda pak ditësh Milani do të bëhet me pronarë kinezë, gjithnjë nëse Berlusconi nuk i bie pishman, apo historia nuk del si ajo e Mr. Bee.

Kinezët duan 70% të klubit që tani dhe pjesën tjetër brenda një viti.

Ndërkaq, La Repubblica identifikon edhe blerësit e rinj: bëhet fjalë për një grup financiar drejtuar nga Jack Ma, mbreti i tregtisë online në Kinë (themelues i sitit të famshëm Alibaba) dhe bashkëpronar i klubit Guangzhu Evergrande, që po dominon futbollin kinez dhe atë aziatik këto vitet e fundit.

Sipas të përditshmes italiane, Ma ka ndërmend të ndërtojë një stadium të ri, të tërin për Milanin, si dhe në stafin drejtues do të bëjë pjesë edhe Marcelo Lippi.