Shefi i Forcave të armatosura të Sllovakisë për vizitë në Maqedoni

Shefi i Forcave të armatosura të Sllovakisë, Gjenerali Milan Maksim, sot dhe nesër do të qëndrojë për vizitë zyrtare në Maqedoni dhe të ARM, transmeton Telegrafi Maqedoni.

Delegacioni Sllovak nga nikoqiri, shefi i ShS të ARM, gjeneral-nënkoloneli Metodija Veliçkovski do të pritet me nderime të larta ushtarake.

Gjatë vizitës, gjenerali Maksim, krahas takimit me shefin e ShS të ARM, Veliçkovski, do të realizojë takim edhe me ministrin për Mbrojtje, Zoran Jolevski.

Temat kryesore të bisedimeve zyrtare do të jenë gjendja e sigurisë në rajon me vështrim ndaj krizës së emigrantëve, pjesëmarrja e ARM në operacionet për përkrahje të paqes, informimi për kryesimin sllovak me BE në vitin 2016, gjendja aktuale si dhe avancimi i bashkëpunimit bilateral të armatave.

Shefi i ShS të Armatës së Republikës së Sllovakisë, gjatë qëndrimit në Republikën e Maqedonisë do të pranohet edhe nga presidenti i Maqedonisë dhe komandanti suprem i armatës, Gjorgje Ivanov. Ai do ta vizitojë edhe Qendrën për trajnim të pilotëve dhe kullën e vrojtimit Bogorodica në kufirin Maqedoni-Greqi./Telegrafi/