Me qëllim të informimit të opinionit publik dhe sigurimit të një transparence maksimale, Administrata Tatimore e Kosovës (ATK), ka takuar përfaqësuesit nga institucionet vendore dhe ndërkombëtare në vend, të cilët në vazhdimësi kanë ndihmuar ATK-në drejtë ngritjes së një administrate moderne, të cilët janë njoftuar me të arriturat e këtij institucioni, sfidat dhe planet për të ardhmen.
Drejtori i ATK-së Behxhet Haliti tha se takimet ka për qëllim njoftimin për të arriturat dhe progresin si dhe sfidat gjatë këtij rrugëtimi.
“Me kënaqësi mund të them se progresi i punës së përbashkët gjatë kësaj periudhe ka vazhduar me trendin e njëjtë si dhe tri vitet e fundit, duke rritur nivelin e shërbimeve ndaj tatimpaguesve”, ka pohuar ai.
Haliti po ashtu në këtë takim i ka njoftuar miqtë e ATK-së, se këtë vit ATK, ka përfunduar digjitalizimin e të gjitha zyrave regjionale, duke krijuar qendra të shërbimit të tatimpaguesve për ofrimin e shërbimeve të shpejta dhe profesionale.
Një fakt, i cili sipas tij, është evidentuar dhe në raportin e bërjes së biznesit vitin e kaluar edhe këtë vit, si një prej administratave që ofron shërbime kualitative.
Ndërsa ka folur dhe për sfidat me të cilat ballafaqohen ATK dhe Dogana, si në ngritjen e kapaciteteve e po ashtu dhe në realizimin e projeksioneve të të hyrave. “Situatat e përgjithshme në Kosovë në vitin 2014, për dy agjencionet dhe për ATK-në dhe për doganat, ka paraqitur një sfidë në dy drejtime. Dhe në drejtimin e zhvillimit dhe ngritjes së kapaciteteve që është pritur nga ne. Por njëkohësisht dhe në drejtimin e realizimit të projeksioneve të hyrave për çka ne si dy agjencione në mënyrë permanente monitorohemi. Për ATK-në mund të them se nga muaji prill, maj, ne kemi filluar të përgatitemi me disa grupe punuese, në mënyrë që të menaxhojmë situatat, por edhe të fillojmë një nivel tjetër të zhvillimit nga 2015-ta, duke krijuar grupet punuese me asistencë të FMN-së, apo dhe komponentës nga Komisioni Evropian”, tha ai.
Ndërsa përfaqësuesi i Fondit Monetar Ndërkombëtar (FMN), Enrico Aav tha se përparimet që ATK, ka bërë viteve të fundit janë të dukshme, mirëpo ende mbetet punë për tu bërë.
“Fondi Monetar Ndërkombëtar ka një histori të gjatë bashkëpunimi me Administratën Tatimore të Kosovës. Dhe me duhet ta them se ky është vërtetë një bashkëpunim shpërblyese, sepse keni parë shumë përparime gjatë vitit të fundit, dhe jam i lumtur për këtë. ATK tani është në një pozicion për ta çuar nivelin e saj opercional dhe aftësitë në shkallë shumë më të larta. Planifikimi i strategjisë së re është në vazhdimësi dhe jemi të zënë duke punuar në këtë fushë. Ka ende shumë vend, për përmirësim në Administratën Tatimore dhe do ta sugjerojmë ATK për të punuar në këtë”, tha ai.
Ndryshe, planet e ATK-së për të ardhmen janë vazhdimi i punës drejtë zëvendësimit të sistemit informativ, zhvillimi i mëtejmë i shërbimeve elektronike, ku synim mbetet lansimi i shërbimit elektronik, i quajtur “Fatura e TVSH-së E-Inovoicing”, aprovimi i strategjisë së ATK-së 2015-2020 si dhe ngritja e kapaciteteve në fushën e menaxhimit të rrezikut. /Telegrafi/
Lufta Prigozhin - Putin
Më shumëProplus Call Center po vjen edhe në Gjilan!
Ditët me fat kanë mbërritur në Neptun!
FASAL paraqet inovacionet e reja në Global Albanian Gastronomy Festival
Ekzaminime falas për kancerin e gjirit në Albi Mall më 12 dhe 13 tetor
Buxheti i Kosovës ngulfatet nga skemat sociale
Ministri Zharku përuroj asfaltimin e rrugës Botushë - Koshare
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Barcelona do të tentojë transferimin e yllit të Bayernit të cilit i skadon kontrata në fund të sezonit
Njihuni me "ishullin parajsë" në Belize, ku çmimi për një shtëpi nuk është i lirë, por ka shumë për të ofruar
Ky është çifti që thuhet se u gjetën të vdekur, të përqafuar nën rrënoja - pas përmbytjeve shkatërruese në Bosnjë
Ukraina nuk do të anëtarësohet në NATO për sa kohë që unë jam në krye të qeverisë sllovake - thotë kryeministri Fico
Ushqimi për FSK-në - flet ministri i Mbrojtjes, Ejup Maqedonci
Tifozët e Man United po kërkojnë shitjen e një lojtari pas paraqitjes së dobët ndaj Aston Villës