Fillon faza e dytë e dezinsektimit në Prishtinë

Komuna e Prishtinës nga sot e deri më 25 korrik do të fillojë me fazën e dytë të dezinsektimit hapësinor. Sipas një njoftimi të Komunës së Prishtinës, njëjtë si në fazën e parë, edhe kësaj radhe do të dezinsektohen mbi 6.000 hektarë, duke përfshirë edhe zona rurale ku ka potencial të lartë të zhvillimit të insekteve.

Dezinsektimi do të bëhet çdo ditë duke filluar nga ora 19:30 deri në orën 24:00, sipas datave të mëposhtme nëpër lagjet e caktuara:

20 korrik: Aktashi, Lagjja e Muhaxherëve, Parku i Qytetit , Vellusha (Blloqet), Qendra e Qytetit dhe Qyteza Pejton;

21 korik: Arbëria,Tophanja, Kodra e Trimave,Vreshtat dhe Kolovica;

22 korrik: Lakrishtja, Dardania, Ulpiana, Vetërniku, Zona Industriale dhe Kazerma “Adem Jashari”;

23 korrik: Bregu i Diellit, Lagjja e Spitalit dhe Kalabria;

24 korrik: Taslixhja, Velania , Mati, Sofalia, Taukbahqja dhe Gërmia;

25 korrik: Bërnica, Besia, Barileva ,Hajvalia, Mramuri.

“Luten të gjithë qytetarët për bashkëpunim në mënyrë që ky aktivitet të jetë sa më i suksesshëm. Gjatë kohës së dezinsektimit, qytetarët duhet t’i mbajnë dritaret e mbyllura, që mos të futen insektet brenda si dhe së paku për një orë të kufizojnë daljet nëpër hapësirat ku është duke u kryer dezinsektimi. Gjithashtu apelohet te shoqatat e bletarëve, për kujdes të shtuar gjatë kësaj periudhe. Monitorimi i këtij procesi nga ana e Komunës së Prishtinës do të jetë i vazhdueshëm, dhe në bashkëpunim me qytetarët do ta japim maksimumin për një dezinsektim sa më efektiv”, thuhet në njoftimin e Komunës së Prishtinës. /Telegrafi/