Ndaj kryetares së Gjakovës, Mimoza Kusari-Lila në muajin nëntor në Prokurorinë Speciale të Kosovës është deponuar një kallëzim penal për keqpërdorim të buxhetit të komunës.
Gazeta Fjala, e ka siguruar këtë kallëzim sipas së cilit një shumë prej 33 mijë eurove të cilat komuna e Gjakovës është dashur t`i ndaj për rregullimin e një rruge në Çarshinë e vjetër i janë dhënë “Cash” përfaqësuesit të donatorit të këtij projekti.
Në këtë kallëzim pretendohet se parat e gatshme e para e Gjakovës ia dha Dukagjin Bakisë, djalit të kryeprokurores së Prokurorisë Themelore të Gjakovës, Shpresa Bakija.
“Në shtator të vitit 2014, kryetarja e Komunës së Gjakovës, Mimoza Kuari – Lila, në saje të vazhdimit të punimeve të nisura në “Çarshinë e Vjetër” të Gjakovës, i ka dhënë para të gatshme në dorë Dukagjin Bakisë, djalit të kryeprokurores së Prokurorisë Themelore të Gjakovës, Shpresa Bakija, në shumën prej 33. 000 mijë euro, i cili privatisht e ka kontraktuar Organizatën e quajtur “CHWB” ”.
“Para këto të dhëna jashtë çdo procedure, pra në mënyrë të kundërligjshme”, thuhet në këtë kallëzim penal.
Hekrem Lutfiu zëdhënës i Këshillit Prokurorial të Kosovës e ka konfirmuar për Gazetën Fjala se ky institucion ka pranuar kallëzimin penal lidhur me këtë rast.
“Në Prokurorinë Speciale të Republikës së Kosovës, është pranuar në kompetencë kallëzimi penal, kundër të dyshuarve, persona përgjegjës të Komunës së Gjakovës. Ndër ta edhe kundër kryetares aktuale Mimoza Kusari –Lila, më datë 03 nëntor 2015”, tha ai.
Ai thotë se prokuroria i është drejtuar Policisë së Kosovës – Departamentit Special Antikorrupsion me kërkesë për mbledhjen e të dhënave të nevojshme. Ndërsa, me datë 16 dhjetor 2015, kanë pranuar njoftimin me shkrim për veprimet e marra në kompletimin e dosjes. “Kundër kryetares Mimoza Kusari Lila, nuk është marr aktvendim për fillimin e hetimeve”, tha Lutfiu.
Komuna e Gjakovës me 2 shtator të vitit të kaluar ka lidhur marrëveshje bashkëpunimi me Fondacioni Suedez Trashëgimia Kulturore pa Kufij (CHWB) dhe Fondacioni Behgjet Pacolli, për rregullimin e segmentit të rrugës “Ismail Qemajli”. Kjo marrëveshje, sipas të gjeturave të Auditorit nuk ishte në pajtim me ligjin e prokurimit.
Bazuar në këtë marrëveshje të cilën komuna i ka ofruar Gazetës Fjala, kjo komune ka pasur për detyrë të participoj me 33 mijë e 626 euro, Fondacioni Behgjet Pacolli 5 mijë euro dhe CHWB 3 mijë e 868 euro. Që sipas kësaj marrëveshje, komuna është obliguar t`i bartë mjetet në xhirollogarinë e CHWB në dy këste.
Komuna mohon pagesat “cash”
Në Komunën e Gjakovës nuk kanë dashur të bëjnë komente rreth kallëzimit penal. Mirëpo ata kanë ofruar një dëshmi se kjo pagesë është bërë përmes bankës si dhe marrëveshjet e bashkëpunimit me organizatën CHWB. “Këto dëshmi, besoj se janë të mjaftueshme dhe konsiderojmë që nuk janë të nevojshme komentet shtesë.”, tha zyrtarja për informim Abetare Domi.
Në këto dokumente shihet se pagesat janë bërë nga data 26 shtator deri 17 nëntor të vitit të kaluar. Në këstin e parë janë paguar 11 mijë e 769 euro derisa në këstin e dytë 21 mijë e 856 euro.
Edhe Sali Shoshi drejtori i CHWB në Kosovë ka mohuar që pagesat të jenë bërë “Cash”. “Ju konfirmoj se të gjitha transferet financiare janë realizuar përmes institucioneve bankare (jo kesh!!!) dhe i gjithë material i projekteve mbahet në zyrën tone Administrative & Financiare në Prishtinë”, tha Shoshi.
Sipas tij, për projektet që kjo organizatë i implementon veprojnë në kuadër të rregullave të BE-së. “Të gjitha projektet që realizohen nga organizata jonë jemi të detyruar t`i respektojnë rregullat shumë strikte të kontraktimit & prokurimit të BE-se“, tha ai.
Shoshi tregoj se ky projekt ka qenë vazhdimësi e Marrëveshjes së Bashkëpunimit në mes Komunës së Gjakovës dhe CHWB për investime në trashëgiminë kulturore.
“Në rasti e rrugës, Fondacioni Suedez CHWB ka përfunduar të gjitha obligimet që kanë dal nga marrëveshja për projektin në fjalë”, tha Shoshi.
Gazeta ka kërkuar të marrë një koment edhe nga Dukagjin Bakija, i cili është përmendur në kallëzimin penal si përfaqësuesi i organizatës CHWB i cili ka pranuar parat e projektit nga komuna, mirëpo ai ende nuk është përgjigjur në pyetjet e gazetës.
Bazuar në marrëveshjen e shtatorit të vitit të kaluar, sipas ndarjes së përgjegjësive Fondacionit CHWB, i ka takuar që të jetë përgjegjëse për realizimin e procesit të prokurimit, prokurimin e nën kontraktorëve dhe koordinimin e projektit deri në përfundimin e projektit.
Mirëpo për këtë është kritikuar nga auditori gjeneral.
Sipas së cilit komuna e Gjakovës ka bërë shkelje të ligjit të prokurimit kur ka lejuar që donatori të kryej këto procedura, kur në fakt do të duhej t`i kryente komuna e Gjakovës vet pasi që ka bartur më shumë se 50 për qind të mjeteve për projekt.
“Marrëveshja nuk ishte në pajtim me ligjin e prokurimit publik neni 4 pika 2 sepse nëse projekti financohet apo subvencionohet 50 për qind ose më shumë nga komuna, komuna konsiderohet autoritet kontraktues dhe procedurat e prokurimit duhet të bëhen në pajtim me ligjin e prokurimit publik”, shkruan në këtë raport.
Po sipas Auditorit, për këtë projekt komuna ka participuar me 79 për qind dhe është dashur që procedurat e prokurimit t`i udhëheq vetë e jo CHWB.
“Obligimin e vet prej 33,626 euro, komuna e kishte paguar, pa pjesën e fondacionit Behgjet Pacolli. Pagesa e fundit prej 21,857 euro ishte bërë edhe pse në raportin e pranimit teknik vërehen disa mangësi në realizimin e projektit”, shkruan më tej në raportin e auditorit. /Gazeta Fjala/Telegrafi/
Promo
Reklamo këtuLufta Prigozhin - Putin
Më shumëNga Rubrika
“Tiny Realms Under Surreal Tides”, faqe e re e bashkëpunimit midis artit dhe pasurive të paluajtshme
India, anëtare e BRICS refuzon de-dollarizimin – përqafon dollarin amerikan
KosICT 2024, edicioni i 13-të i Festivalit të Teknologjisë mbledh ekspertë globalë dhe ofron mundësi për të rinjtë
India, anëtare e BRICS refuzon de-dollarizimin - përqafon dollarin amerikan
Pensioni bazik rritet në 120 euro, i kontributpaguesve deri në 318 euro - ja nga sa do të marrin pensionistët pas rritjes prej 20 për qind
Meritaterm vazhdon kampanjën me super zbritje prej 33% për pompën termike më të mirë në treg, Toshiba
Foleja Home: Produkte cilësore dhe moderne për shtëpinë dhe zyren tuaj
Kjo është super platforma për menaxhimin e procesit të dhënies dhe marrjes me qera të veturave
Vezët Bio REA-s: Zgjedhje e shëndetshme për familjen tuaj
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Arda Guler nga Turqia i dërgon mesazh Carlo Ancelottit për minutazhën te Real Madridi
Çfarë janë uraganet, sa të rrezikshëm janë dhe çfarë mund të ndihmojë në zbutjen e dëmeve?
Mbi 160 mijë euro, 696 kilogramë mjaltë e 250 kilogramë fasule ia gjejnë në shtëpi – Policia arreston të dyshuarin në Ferizaj për kontrabandë e tregti të ndaluar
Pamje nga vizita e Jakup Krasniqit te varri i vëllait, më pas i takon familjarët në fshatin e tij
Kaloi 50 mijë konkurrentë në audicion - kush është Nora Tushi, shqiptarja që po mahnit jurinë gjermane
Berisha: Do të dalin audio-incizime të tjera, do të na vijë turp