Me Kosovën e Re, rryma shtrenjtohet për 28 për qind

Ndërtimi i Termocentralit “Kosova e Re” që fillon në pranverë të vitit 2017, nuk do të ketë kosto për buxhetin shteti, por barrë të madhe do tu bie konsumatorëve të energjisë elektrike.

Ndikimet në koston e rrymës nga Termocentrali “Kosova e Re”, do të jetë në masën 28 për qind, këtë e ka bërë të ditur ministri i Zhvillimit Ekonomik, Blerand Stavileci, në konferencën e fundit për vitin 2015. Ai për veç “Kosovës e Re” ka folur edhe për punët e tjera që kanë bërë në këtë dikaster qeveritarë.

“Çdo investim përcillet ka kosto dhe çdo kosto ka reflektim. Te ndërtimi i Kosovës së Re ndikimet do të jenë për 28 për qind në çmimin e energjisë eklektike në gjashtë vitet në vijim”, ka bërë të ditur Stavileci.

Ai ka thënë se pas kësaj periudhe mund të ndërhyjë Qeveria, shkruan Telegrafi.

Ministri i MZHE-së Blerand Stavileci ka bërë të ditur se Kosova e Re do të ndërtohet pa kapital të investuar nga shteti, deri sa lokacioni do të jenë në afërsi të Termocentralit Kosova B në Obiliq deri sa do të jetë m enjë bllok me kapacitet prej 500 megavat orë energji eklektike.

Ai ka thënë se janë bërë punë të mira sa i përket sektorit të teknologjisë informative.

Stavileci po ashtu ka thënë se Termocentrali “Kosova e Re” siguron siguri dhe stabilitet për furnizim me energjie elektrike. Kapacitet e reja sipas tij kanë rëndësi të madhe për bizneset të cilat për shkak të mungesës së rrymës kanë humbur deri ën 300 milionë euro.

Ndërkaq, zëvendësministrja e Zhvillimit Ekonomik Besa Zogaj – Gashi ka folur rreth punësimit të femrave nëpërmjet teknologjisë informative. Ajo ka theksuar se papunësia më vend është 42 për qind deri sa numrin më të madh të të papunëve e përbëjnë gjinia femërore. /Telegrafi/