Gjatë këtij viti, autoritetet e Kosovës përfundimisht do të duhet të vendosin për të ardhmen e gjigantit metalurgjik “Trepça”.
Kombinati “Trepça” që gjendet në Mitrovicë, është nën moratoriumin e vendosur nga Dhoma e Posaçme e Gjykatës Supreme, ndërsa Agjencia Kosovare e Privatizimit është administrator i saj.
Sipas një vendimi të Dhomës së Posaçme të Gjykatës Supreme, afati i fundit për dorëzimin e planit të organizimit të Trepçës është 1 nëntori i këtij viti.
Deri para kësaj date, Qeveria e Kosovës duhet të miratojë Ligjin për Trepçën, në mënyrë që ta shpëtojë nga likuidimi këtë ndërmarrje.
Likuidimi i Trepçës mund të çojë deri te shitja dhe shpërndarja e saj ndërmjet kreditorëve, shumica e të cilëve i takojnë periudhës së viteve ‘90.
Nisur nga e gjithë kjo, autoritetet e Kosovës kanë dinamizuar aktivitetet e tyre, në mënyrë që të bëjnë një zgjidhje më të shpejtë kësaj ndërmarrje.
Kryeministri i Kosovës, Isa Mustafa në një takim konsultativ për ndërmarrjen “Trepça”, të mbajtur gjatë kësaj jave, kishte theksuar se “Trepça” nuk ka nevojë që edhe më tutje të mbetet ndërmarrje shoqërore në fushëveprim të Agjencisë Kosovare të Privatizimit.
“Për ‘Trepçën’ mund të bisedohet në pikëpamje të së ardhmes pronësore të saj, me një kombinim të pronësisë publike dhe të bashkëpronësisë, ose të një pjese të pronësisë private dhe të privatizimit të atyre aseteve, të cilat nuk i nevojiten më tutje ‘Trepçës’ dhe që do të ishin ngarkesë për të, siç janë bizneset që nuk janë të lidhura drejtpërdrejt me ‘Trepçën’”, kishte deklaruar Mustafa.
Sipas kryeministrit Mustafa,zgjidhjet për Trepçën nuk janë të lehta, por kjo duhet bëhet brenda vitit.
Qeveria e Kosovës pritet të emërojë disa grupe punuese që do të punojnë në hartimin e Ligjit për Trepçën, një grup për hartimin e strategjisë dhe një grup për hartimin e modeleve studimore për zhvillimin e biznesit të kësaj ndërmarrje.
Ndërmarrja “Trepça”, ishte rrezikuar të shkojë në likuidim edhe në shkurt të vitit 2015, por në atë kohë Qeveria e Kosovës kishte ndërmarrë hapa të shpejtë për miratimin e Ligjit për ndërmarrje publike, sipas të cilit, “Trepça” nxirret nga administrimi i AKP-së dhe shndërrohet në ndërmarrje publike të menaxhuar nga shteti.
Ky vendim, në atë kohë ishte kundërshtuar nga partitë opozitare, të cilat kishin kërkuar që “Trepça” të trajtohet me një ligj të veçantë.
Çështja e statusit të kombinatit ishte bërë edhe shkas i protestave të partive politike në opozitë në janar të vitit të kaluar, që u përshkuan me përplasje të ashpra ndërmjet protestuesve dhe forcave të rendit.
Sfidoftë, udhëheqësit e kombinatit “Trepça”, thonë se është momenti i fundit kur kësaj ndërmarrjeje duhet bërë një zgjidhje urgjente.
Ahmet Tmava, drejtor i përgjithshëm në kombinatin “Trepça”, në një prononcim për Radion Evropa e Lirë, thotë se Trepça tani ka marrë një qasje serioze të trajtimit nga autoritetet e vendit, dhe se pret që përfundimisht kësaj ndërmarrjeje t’ i kthehet reputacioni që ka pasur.
“Tani janë të gjithë të mendimit se ‘Trepça’ në këtë mënyrë të mbijetesës nuk mund të vazhdojë, por po ashtu është edhe momenti i fundit që ky aset nacional të reflektojë fuqinë reale ekonomike në interes për vendin dhe në përgjithësi”, vlerëson Tmava.
Kombinati “Trepça”, aktualisht merret me nxjerrjen dhe përpunimin e mineraleve, kryesisht të plumbit dhe zinkut dhe është i vetmi prodhues i këtij lloji në Kosovë.
Ky kompleks operon në dy njësi, në jug dhe veri të Mitrovicës.
Por, përveç aseteve dhe degëve të ndryshme të shpërndara në rajone të ndryshme, jo vetëm në Republikën e Kosovës, por edhe jashtë saj, ka qenë një prej ndërmarrjeve më të mëdha të ish-Jugosllavisë në vitet ‘80, me mbi 20 mijë punëtorë.
Drejtori aktual i gjigantit metalurgjik, Ahmet Tmava tregon se në “Trepçë” janë grumbulluar probleme të shumta të cilat kërkojnë zgjidhje, dhe se kjo mund të bëhet vetëm me përcaktimin statusit të Trepçës.
“Ka probleme, mirëpo kemi bërë një mobilizim të shtuar që të kalojmë këtë situatë dhe në këto momente të fundit, kur po hyjmë në statusin zhvillimor të ‘Trepçës’”, shton Tmava.
“Trepça” sot brenda Kosovës përbëhet prej 41 njësive të ndryshme, që grupohen kryesisht në tri komplekse të mëdha: në miniera me flotacione, në parkun industrial në Mitrovicë dhe në kompleksin e shkritoreve.
Mirëpo, gjithashtu, dihet se një pjesë e madhe e këtyre kapaciteteve janë të degraduara, për shkak të mungesës së mirëmbajtjes ose mungesës së investimeve, e madje edhe keqshfrytëzimit në të kaluarën.
Halil Qela, njohës i kësaj fushe, thotë se autoritetet e Kosovës kanë bërë përpjekje për ringjalljen e këtij kompleksi metalurgjik, por janë vonuar.
Sipas tij, zgjidhja e statusit të “Trepçës” është dashur të bëhet menjëherë pas shpalljes së pavarësisë.
“Nëse aktivizohen nëntë minierat e ‘Trepçës’, tre flotacione, metalurgjia e plumbit zinkut, industria kimike, natyrisht që numri i të punësuarve do të jetë shumë i madh. Do të ndikonte edhe në punësim edhe në gjendjen ekonomike në përgjithësi, të Kosovës”, thekson Qela.
Sidoqoftë, ai thotë se për të ringjallur “Trepçën”,i vetmi opsion është partneriteti publik privat.
Deri më tani Kosova asnjëherë nuk ka bërë një vlerësim të detajuar për vlerën reale të kombinatit metalurgjik “Trepça”.
I vetmi studim për të gjitha resurset natyrore të Kosovës që është bërë në vitin 1992, ka vlerësuar se potenciali material i Trepçës mund të jetë 85 miliardë dollarë amerikanë. /rel/
Promo
Reklamo këtuLufta Prigozhin - Putin
Më shumëNga Rubrika
Kurti krenohet me investimet e huaja direkte: Janë rritur 2.4 herë më shumë krahasuar me qeveritë e kaluara
Për flokë dhe lëkurë rrezatuese: Këto 3 lloje të kolagjenit janë gjithçka që ju duhet
BSPK kujton grevën historike, kërkon veprime urgjente nga Qeveria
Inaugurohet investimi më i ri për lumturinë e fëmijëve - ATC Trade
Për flokë dhe lëkurë të rrezatuese: Këto 3 lloje të kolagjenit janë gjithçka që ju duhet
Kurti krenohet me investimet e huaja direkte: Janë rritur 2.4 herë më shumë krahasuar me qeveritë e kaluara
IPKO angazhohet për një vit të suksesshëm shkollor në Kosovë
Horizon School mirëpret nxënësit për ditën e parë të shkollës
Fondi i Kursimeve Pensionale: Arrihet vlera 3 miliardë euro në menaxhim
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Publikohen pamjet e reja të Titanikut - anija e famshme po kalbet në fund të oqeanit
Historiku i përleshjeve Capat-Sekiraqa, që përfundoi me viktima
Indiania e dërgoi djalin në spital sepse gëlltiti një çelës - mjekët e tronditur zbuluan se ai kishte ngrënë edhe disa objekte metalike
Real Madridi kishte vetëm dy objektiva të tjerë në verë - kishte arsye të forta pse u tërhoq
Çfarë tregojnë historitë e zëvendëspresidentëve për shanset e Kamala Harrisit?
Finlanda do të zgjidhë një nga sfidat më të mëdha të njerëzimit