Revolucioni i radhës nga Audi (Foto/Video)

Në ditët e sotme automjetet krahasohen me njëra-tjetrën për nga fuqia, sa turbo posedojnë, madhësia motorike etj. Duke parë se me çfarë hapa të shpejtë po përparon teknologjia, mendohet se në një të ardhme të afërt automjetet do të krahasohen për nga numri i procesorëve dhe megapikselët që posedojnë.

Audi TT S që pritet të fillojë së shpejti prodhimin, ofron një shpejtësimatës që është i gjithi i digjitalizuar e që shërben si sistem navigimi dhe si pajisje për lidhje me internet. Prodhuesit e quajnë ‘Virtual Cocpit’.

Në thelbin e këtij shpejtësimatësi janë të vendosur katër procesorë Tegra 30. Ekrani prej 12.3 inç TFT është i vendosur përballë vozitësit që do të thotë se nuk do të ndikojë në përqendrimin e drejtuesit të automjetit.

Gjatë ceremonisë “Connectivity Aëards 2014”, Audi arriti të renditet në maje të top listave në pesë kategori – navigim, integrim të telefonit, sistemit të zërimit, argëtim dhe multimedia dhe qasjes në internet – gjithmonë duke iu falënderuar kësaj teknologjie.

Vlen të përmendet se kjo teknologji moderne nuk do të jetë pajisje standarde në TT S, por do të vijë si paketë e quajtur ‘MMI Navigation plus MMI Touch’ me çmim prej 2.500 eurosh.