Fillon shitja e Golf R-Line

Volkswagen zyrtarisht ka filluar të marrë porositë për Golf R-Line sportiv, e dërgesat e para të modelit që kushton 32 mijë euro, fillojnë në mars.

Specifikimi R-Line në ofertën e prodhuesit gjerman gjendet sipër modelit GT që përfshin navigacionin Discover, veshje sportive, mbrojtje PreCrash të udhëtarëve.

Klientët pos këtyre pajisjeve, nëse duan zgjedhje dizajnuese që ofron R-Line, duhet të japin edhe 1.320 euro më shumë.

Zgjedhjet stilistike përfshijnë R-Line, spojlerin e pasmë, pragjet boshtorë, gypat për lirimin e gazrave dhe grilat e ftohësit.

Në enterier janë pedalet nga çeliku i pandryshkur, ulëset e para Sport Race, koka e timonit me lëkurë dhe detajet tjera me distinktivë R-Line, shkruan koha.net.

Në ofertë janë dy motorë – me benzinë dhe me naftë. Me benzinë 1.4 l TSI me teknologji të cilindrave aktivë që mundësojnë çaktivizimin e dy nga katër cilindrat me qëllim ekonomizimi deri në 4.7 l/100km. Ky agregat prodhon 147 KF dhe është i lidhur me ndërruesin e shpejtësisë gjashtë shkallësh ose me shtatë shkallësh opsional DSG. Deri në 100 km/h arrin për 8.2 sekonda, me shpejtësinë maksimale 215 km/h.

Alternativa me naftë është motori 2.0 litërsh TDI me 147 KF me shpenzim 4.2 l/100km sipas shënimeve të fabrikës. Ndërruesi standard i shpejtësisë është gjashtë shkallësh me manual, ai opsional është ndërruesi DSG.

Çmimet sillen deri në 32.000 euro për variantin bazik me tri dyer dhe motori TS 1.4-litërsh, ndërsa më i shtrenjti është modeli me pesë dyer me agregatin 2.0-litërsh TDi që kushton 35.500 euro. /Telegrafi/