Është publikuar videoja promovuese e Mini Clubman

Pas premierës së Minit të ri (F56) klasik, i versionit hatchback me tre dyer (i vitit 2013), kompania BMW ka përgatitur versione të reja karoserike për Minin e ri në platformën UKL1.

Është publikuar një video promovuese e Clubman, ndërsa poshtë videos mund të lexoni më shumë për këtë model.

Njëra nga këto versione të reja është modeli Clubman i gjeneratës së re, i cili vitin e kaluar është prezantuar në formë të konceptit në panairin e veturave në Gjenevë.

Përderisa jemi duke pritur premierën e versionit serik të modelit të ri Clubman, të cilën do ta mbajë në shtator të këtij viti në panairin e veturave në Frankfurt), BMW tashmë ka publikuar fotografitë zyrtare të tij dhe disa detaje themelore.

Së pari dimensionet: Clubman i ri është i gjatë 4.2 metra, i gjerë 1.8 metra, i lartë 1.4 metra, gjatësia boshtore 2.6 metra, ndërsa kapaciteti i bagazhit është rreth 1250 litra.

Shitja Clubman të ri duhet të fillojë këtë vjeshtë, ndërsa në serinë e motorëve do të jenë në dispozicion motorë tashmë të njohur benzinë dhe me naftë.

Në fillim do të ofrohet motorët si: benzinë me tre cilindra dhe me kapacitet prej 136 kuaj fuqi, benzinë me katër cilindra dhe me kapacitet prej 192 kuaj fuqi dhe me naftë me kapacitet prej 150 kuaj fuqi (detajet tjera mund t’i shihni në tabelën e mëposhtme).

Blerësve do t’u ofrohet, varësisht nga versioni, marshi manual me gjashtë shpejtësi apo automatik me tetë shpejtësi, transmeton Koha.net. Më vonë, sigurisht, oferta e motorëve do të zgjerohet.

Clubman i ri karakterizohet veçanërisht pjesën e pasme e cila mund të hapet përmes dy dyerve, ashtu sikurse edhe modeli aktual, ndërsa sa i përket çmimit, në Gjermani pritet të fillojë me çmim prej 24 mijë euro.