Çiftet që jetojnë poshtë çarçafëve si “vëlla e motër” janë në rritje dhe 20% e martesave përfundojnë për këtë arsye. Një fenomen që po prek edhe çiftet e reja apo të sapomartuarit. Ja këshillat e ekspertëve për të mos hequr dorë nga një pjesë thelbësore e dashurisë.
Nëse dasma zakonisht konsiderohet si dita më e bukur e jetës, ajo që vjen pas mbart rrezikun e transformimit të saj në një “varr” erosi. Duke u mbështetur në statistikat më të fundit, po bëhen gjithnjë e më të shumta çiftet që jetojnë nën të njëjtën çati si “motër e vëlla”.
Në përgjithësi, nga shoqatat e martesave thuhet se aktualisht në të gjithë botën çiftet që nuk kryejnë më marrëdhënie seksuale zënë 30%. Mjafton të mendosh se në dhjetë vitet e fundit, numri i çifteve që jetojnë së bashku, por nuk ndajnë asgjë poshtë çarçafëve, është trefishuar.
Ndërkohë që nga gjykatat deklarohet se 20% e ndarjeve shkaktohet nga mungesa e marrëdhënieve seksuale.
Arsyet?
“Sot jetojmë në një shoqëri ku është e pranishme një larmishmëri e madhe imazhesh ose stimujsh të tipit seksual”, shpjegon psikologia dhe seksologia italiane, Maria Teresa Coglitore. “Pra, ka një tepri në këtë drejtim që shpie në një lloj ngopjeje dhe humbje dëshire”. Por edhe tradhtia apo frekuentimi i sajteve me filma porno, ndikon drejtpërdrejt në humbjen e dëshirës së partnerëve në shtrat.
Më poshtë do të njiheni me hapat që mund të ndiqni për të zgjidhur problemin e një martese pa marrëdhënie seksuale:
Të njihni ekzistencën e problemit të përbashkët
Gjëja e parë që duhet të bëni është të mos shmangeni, sepse “rreziku është ai i të larguarit të partnerëve nga njëri-tjetri dhe ndoshta tundimi për të tradhtuar”, thotë Fabrizio Quattrini, seksolog italian dhe president i Institutit Shkencor Italian të Seksologjisë, në Romë. Ndaj, duhet të njihni dhe të pranoni problemin mes jush dhe t’i jepni një zgjidhje.
Përpiquni të kuptoni psenë e frikës tuaj dhe të rezistencës, duke folur me partnerin ose ndoshta me një ekspert, për të përjashtuar mundësinë që problemi mund të jetë diktuar thjesht nga shkaqe mjekësore.
Dëshira e madhe për të dalë nga një situatë në “ngërç”
Një tjetër lëvizje e rëndësishme është dëshira reale për të dalë nga situata në të cilën gjendeni dhe të kompletoni marrëdhënien tuaj në mënyrë të pjekur. “Çiftet më të vështira janë ato çifte që kërkojnë ndihmë, sepse duan një fëmijë, por nuk kanë dëshirën reale për t’u ‘takuar’ fizikisht e që nuk janë të motivuar për të ndarë së bashku seksualitetin”, specifikon eksperti.
Të qenët pozitivë kundrejt seksit
Duhet të mësoni dhe të kultivoni fantazi pozitive për seksualitetin, “të shijoni trupin dhe përkëdheljet, duke provuar të shtyheni progresivisht pak më tutje”. Lojërat erotike dhe surprizimi i tjetrit me një “dhuratë” të papritur, pa pasur frikë se do të gjykoheni, “mund t’ju ndihmojë të futeni ‘në lojë’, të përjetoni një dimension intimiteti që kujtonit se e kishit humbur”, shpjegon Quattrini.
Gjetja e kohës për marrëdhënien në çift
Për të ndezur e rindezur zjarrin e pasionit, një rëndësi të madhe ka edhe aftësia për të gjetur kohë për veten dhe për ta ndarë atë me partnerin/en, siç ndodh ndoshta gjatë pushimeve.
Besojuni librave dhe informacioneve
Në fund, një zgjidhje e mirë për këtë rast vjen edhe nga leximi. “Një ide e mirë është informimi nga një volum i shkruar prej një profesionisti, për të kuptuar nëse keni vërtet një problem të tillë në marrëdhënien tuaj, dhe në këtë mënyrë do të mund të gjeni zgjidhjen që kërkoni”, përfundon Quattrini. /Telegrafi/
Promo
Reklamo këtuLufta Prigozhin - Putin
Më shumëA e dini se çfarë kuptimi ka simboli i "fluturës" në makinën larëse – pyetja ka nxitur debat të madh në internet
Kjo gjë në kuzhinë thuhet se ka më shumë baktere se tualeti
Pesë nuancat që nuk shkojnë me grinë në shtëpi, sipas arkitektëve
Si të bëni vetë foto fantastike kur jeni në një udhëtim: Dëgjoni këshillat e fotografëve profesionistë
Teknika psikologjike e Frojdit – Kështu do ta kuptoni nëse jeni me një mashkull të dobët!
Test i inteligjencës me tetë pyetje, të cilat vetëm më të mençurit i dinë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak