Regjimi ushqimor i duhur ndihmon për të rigjetur energjinë e humbur nga luhatjet e temperaturave.
Sallata e gjelbër, karota me shumicë, lëng domateje, portokalli dhe limoni, por edhe dredhëza, kunguj dhe spinaq. Kjo është menyja që duhet të servirni çdo ditë në tryezën tuaj, për të rigjetur energjinë që duket se keni humbur me luhatjet e temperaturave të këtyre ditëve. Këshilla vjen nga mjekët të cilët sugjerojnë se për të kapërcyer problemet me lodhjen dhe mungesën e përqendrimit, duhet të përdoret një meny e pasur me fruta-perime.
Së pari, për të arritur këtë duhet të kompensoni humbjen e lëngjeve dhe kripërave minerale, duke përdorur shumë fruta-perime të stinës, të cilat duhet të përdoren të gjalla, sepse kështu ruajnë të plotë sasinë e kripërave minerale dhe vitaminave, dy elementeve që garantojnë shëndet.
Karotat, të pasura me vitaminë A, ndihmojnë për të mbrojtur sytë dhe lëkurën, që pas dimrit ende nuk janë përshtatur me ndryshimet e menjëhershme të temperaturave. Vitaminat i mbrojnë nga rrezet e diellit, që këto muaj është vërtet i fortë. Ndërsa dredhëzat kanë veti antioksidante dhe, duke qenë se përmbajnë shumë vitamina C, ndihmojnë për të rritur mbrojtjen natyrale të organizmit ndaj alergjive, tipike për stinën e pranverës.
Ndërsa spinaqi dhe perimet e tjera jeshile, të cilat përmbajnë acid folik, janë mjaft të mira për të mbrojtur organizmin dhe lëkurën nga dielli.
Sallata e gjelbër, që është e pasur me vitamina, kalcium, fosfor, kalium dhe vitaminë E, ndihmon për të mbrojtur trupin nga smogu dhe ndihmon në parandalimin e shfaqjes së problemeve me zemrën dhe sistemin e qarkullimit të gjakut. Ndërsa domatja këshillohet për fibrat, vitaminat dhe kripërat minerale që përmban, kastravecët dhe kungujt janë të freskët dhe janë të mirë për t’u tretur.
Rregulla për një jetë të shëndetshme
Këshillat e mëposhtme ndihmojnë për të parandaluar sëmundjet, por pa prekur preferencat tuaja.
1. Mbani nën kontroll peshën trupore, të cilën duhet ta matni çdo muaj. Përpiquni të lëvizni sa më shumë çdo ditë: ecni, ngjisni shkallët, bëni punë shtëpiake.
2. Përdorni sa më shumë perime, fruta dhe drithëra.
3. Përdorni sa më pak yndyra. Për këtë mjafton të kufizoni përdorimin e vajit kur gatuani.
4. Mundohuni të kufizoni përdorimin e ëmbëlsirave dhe pijeve freskuese, që përmbajnë shumë sheqerna. Përdorni ëmbëlsirat që përmbajnë më shumë amidon, si p.sh., biskotat dhe tortat pa krem.
5. Pini 1.5-2 litra ujë në ditë
6. Përdorni sa më pak kripë dhe preferoni kripën e jodizuar.
7. Përdorni me masë pijet alkoolike e përpiquni të pini gjatë vakteve. Nuk duhet të përdorin alkool: fëmijët, adoleshentët, nënat shtatzëna dhe ato që ushqejnë me gji.
/Telegrafi/
Promo
Reklamo këtuLufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"A u shit Yamal nga Barcelona te Betisi shkaku i krizës?", pamje që kanë lënë tifozët katalunas të shokuar
Me listën e të nominuarëve tashmë publike: Kush është favoriti për Topin e Artë
Liverpooli tashmë ka gjetur zëvendësuesin e Salah, luan te Real Madridi
“I harxhonte lekët me gra të tjera, veprova në gjaknxehtësi”, dëshmia në polici e 30-vjeçarit që vrau babanë në një fshat të Durrësit
Kush janë aleatët kryesorë të Donald Trump në Evropë?
HISTORIKE: Granit Xhaka nominohet për Topin e Artë