Një mijë pacientë me sklerozë multiple në Kosovë

Në rastin e javës së sklerozës u mbajt një takim ku thuhet se në Kosovë nga sëmundja Skleroza e shumëfishtë, është një sëmundje kronike nga e cila në Kosovë janë të prekur rreth një mijë persona.

Skleroza e shumëfishtë është sëmundje e përjetshme e sistemit nervor qendror dhe nëse nuk trajtohet përfundon me paaftësi të plotë fizike.

Terapia për një vit kushton 10 mijë euro, dhe kjo paraqet një sfidë të madhe për pacientët. Meqenëse deri më tash Ministria e Shëndetësisë nuk ka siguruar terapinë, pacientët janë detyruar të bëjnë zgjidhje nga më të ndryshmet.

Terapia vjetore për 1 mijë pacientë të prekur me sklerozë, buxhetit të Kosovës do t’i kushtonte 10 milionë euro. Sipas neurologut Afrim Blyta, ndarja e një vije buxhetore për këtë sëmundje do të ishte zgjidhja më e mirë.

Zyrtarët e Ministrisë së Shëndetësisë nuk u treguan të gatshëm të flasin për këtë problem. Krejt ajo që arritëm të sigurojmë përmes bisedës telefonike, është se MSH ka vendosur të shpenzojë 400 mijë euro për të siguruar terapi për vetëm 50 pacient të sëmurë me sklerozë, përderisa për 950 personat e tjerë të prekur nga Skleroza e shumëfishtë edhe më tutje vazhdon të mungoj kujdesi adekuat shëndetësor./rtv21/