Nuk janë të rrallë ata që e shohin Arian Çanin duke e pritur me padurim radhën e tij. Madje ka nga ata që prej lodhjes dhe stresit të ditës i dorëzohen ndoshta jo gjumit, por dremitjes e megjithatë, kur ai shfaqet në skenën e “Tv Klan”, gjumit, dremitjes apo ëndrrave të shkurtra u vjen fundi. Ky është Arian Çani i gozhduar në memorien e spektatorit...
Intervistoi: Gazmend Kajtazi
Duket se shkallët e suksesit vazhdojnë të kenë vetëm ngritje për një nga figurat më të ndjekura të ekraneve televizive. Ai nuk e ka frikën e skenës dhe para spektatorit tregon forcën e tij të komunikimit, shkathtësinë e prezantimit dhe batutat gjithë lezet, që përvijojnë në figurën e tij tiparet e një njeriu që di të jetë i sigurt edhe kur situata mund t’i rrëshqasë sado pak nga duart.
Njeriu që për kaq vite me radhë ka arritur të mbajë të pandryshueshme audiencën, i spikatur për mënyrën e drejtpërdrejtë me të cilën ai komunikon, përgatitjen që reflekton gjithmonë, vazhdon të na surprizojë me gjetjet dhe pyetjet e tij provokuese
Arian Çani, një person pa komplekse dhe mjaft i rezervuar për sa i përket jetës së tij private, ndryshe nga çfarë jemi mësuar të shohim në ekran, nuk nguroi të na japë intervistë ku pjesa më e madhe e informacionit qëndron përtej fjalive të shkurtra që përbëjnë gjithë-gjithë përgjigjen më të gjatë të tij.
Arian, si jeni bërë gazetar, fare rastësisht apo dikush ka zbuluar talentin tuaj prej gazetari?
Më ka zbuluar Armand Shkullaku i “Klan Kosova”, që në vitin 1993. Atëherë jetoja në Paris dhe Shkullaku vinte shpesh në atë qytet…
A e konsideroni gazetarinë si profesion “aksidental” diçka që ka ndodhur aksidentalisht apo si një profesion të shpirtit tuaj gazetaresk?
Më shumë si kjo e dyta.
Jeni gazetar i dy zhanreve të gazetarisë, asaj të shkruar e televizive. Cila u flenë në shpirt më së shumti e cila u ‘djersit” më së shumti?
Që të dyja, por djersa ka aroma të ndryshme te njëra dhe tek tjetra.
Të qenit moderator, është një vlerë. A ka diçka të lindur në këtë profesion, apo është punë dhe pasion?
Them se janë të trija bashkë.
Spektaklit i jepni sharm, humor dhe shumë dorë, si sajues dhe moderator. Keni më shumë kënaqësi, apo nganjëherë edhe bezdi?
Vetëm kënaqësi.
A jeni parimor dhe a ia vlen të mbahet parimi, në një vend ku nuk çmohet shumë parimi?
Parimi është një kriter që në rastin tim ka lidhje me kodin e profesionit. Pra, duhet respektuar.
A ka moshë moderatori, apo më mirë të them a i duron ekrani rrudhat, apo kërkon fytyra të bukura, të zgjuara, të qeshura dhe të disponuara?
Mosha dhe rrudhat nuk kanë asnjë rëndësi nëse bëhet fjalë për një profesionist.
Cilat tipare duhet t’i përmbush një i ri që të bëhet yll në moderim(gazetari)?
Të dijë të joshë atë që e sheh pas kamerës.
Njiheni edhe si adhurues i botës së bukur. Ua ka dridhur dikush zemrën, apo jeni besnik ndaj familjes?
Zemra dridhet shpesh, por kjo nuk e pengon zemrën të mbetet besnike.
Sa xheloze ndihet bashkëshortja, kur të sheh aq të çliruar në emision, pra nuk ke komplekse dhe kur puth në buzë personazhe vip?
Xhelozia është fjalë e huaj për ne…
A është tradhtia ndaj bashkëshortes një “veti e ndaluar” apo një “traditë që vazhdon”?
Tradhtia është fjalë e huaj për ne…
A e mbyllni ndonjëherë celularin tuaj për disa orë në mbrëmje dhe a ngjall dyshime kjo te bashkëshortja juaj, e në fakt ju keni qenë vetëm duke pirë kafe me një mik tuajin të ngushtë?
Dyshimi është fjalë e huaj për ne…
A jeni “eksploziv” edhe në familje apo Shqipëri apo jashtë saj?
Jam i qetë si tip.
Keni ndjerë ndonjëherë bezdi, apo vetëm kënaqësi në TV?
Vetëm kënaqësi.
Iu kujtohet ndonjë lapsus, ose ndonjë moment kur jeni ndjerë ngushtë(pisk)?
Lapsuset janë pjesë e punës time, shpesh i stimuloj vetë.
Ua ka dikush zilinë, e përjetoni xhelozinë?
Xhelozia është fjalë e huaj për mua në këtë zanat…
Nga “Vizion Plus” kaluat te “Tv Klan”. Me cilin ‘klan’ jeni? E kam fjalën për klane politike, për klane kulturore, ekonomike, etj.
Me asnjë klan…
A është e ngarkuar shoqëria shqiptare me klane?
Nuk e di, nuk e kam menduar ndonjëherë, por nuk kam asgjë kundër klaneve, mjafton që ato t’i shërbejnë komunitetit…
Po flitet se “Tv Klan”-i është në ‘klan’ me Berishën. A është e vërtetë kjo?
Po më kë të jetë përveç Berishës? Ka ndonjë tjetër vërdallë në këtë katund?
A jeni parimor dhe a ia vlen të mbahet parimi, në një vend ku nuk çmohet shumë parimi?
Parimi është një kriter që në rastin tim ka lidhje me kodin e profesionit. Pra, duhet respektuar.
Cili është niveli i gazetarisë në Shqipëri sot. A është e përçarë për arsye politike gazetaria në Shqipëri?
Jo, nuk mendoj. Gazetaria në Shqipëri është një treg si gjithë tregjet e tjera, me up & down-et e veta…
Cili prej personaliteteve të njohura të kohës ju ka ‘munguar’ në emisionin ‘Zonë e lirë’?
Askush…
A keni në plan që të “shpërnguleni” një ditë nga “Zonës së lirë”?
Jo… ajo tashmë nuk është vetëm e imja
Telegrafi/
Promo
Reklamo këtuLufta Prigozhin - Putin
Më shumëNga Rubrika
Shkurta Haxhiu: Asgjë nuk mund ta evitojë atë që fati të ka përcaktuar
Atdhe Hykolli, kryetar i BSPK-së: Intervistë me shkas e me shkak
Shkencëtarja Dr. Lumnije Kqiku-Biblekaj për çmimin “Personalitet nderi me medalje të artë” në Graz: Shkencën dhe mjekësinë i ndjej në shpirt
Anëtarësimi i Kosovës në KiE, Knaus: Disa shtete, përfshirë Francën e Gjermaninë po përgatiten ta bllokojnë votimin në maj
Edhe një iu shtua sot - sa shtete e njohin pavarësinë e Palestinës
Xabi Alonso mund të prishë planet e Barcelonës në Ligën e Kampionëve 2024/25
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Barcelona identifikon sulmuesin anësor si objektiv kryesor të verës
Dhjetë aeroportet më të pastra në botë - vetëm një është në Evropë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City