Teatrit Kombëtar të Kosovës do t’i duhet “ta shtrëngojë dorën” deri në fund të vitit. Tri premiera për sezonin dimëror janë planet e TKK-së.
Burbuqe Berisha, drejtoreshë e këtij institucioni, thotë se në konto kane edhe 60 mijë euro, nga 220 mijë sa ka qenë buxheti për këtë vit. Drejtori artistik Jeton Neziraj thotë se kjo nuk është gjendje reale dhe parashikon dështim në realizmin e planeve.
Ministria e Kulturës, Rinisë dhe Sporteve i ka kthyer përgjigje negative kërkesës së TKK-së për buxhet shtesë. Në dokumentin që e ka parë gazeta, institucioni më i lartë teatror në vend ka kërkuar 50 mijë euro nga rishikimi i buxhetit për gjashtëmujorin e dytë.
Me gjithë këtë Berisha thotë se do t’i dalë në krye konkretizimit të planit, ani pse pa përcaktuar shumën deklaron se nga MKRS-ja kanë kërkuar mjete edhe për tri projektet.
“Shuma të cilën Teatri e ka në dispozicion është 60 mijë euro. Programi i Teatrit Kombëtar do të realizohet pa problem. Krejt ajo çka duhet të bëjmë ne është që të tregohemi më të rrudhur në shpenzime dhe programi do të realizohet deri në fund të këtij viti”, ka thënë Berisha me optimizëm.
Në anën tjetër, Jeton Neziraj jep të tjera shifra.
“Në bazë të disa kalkulimeve të thjeshta mund të konkludoj se ky buxhet është shpenzuar në masën prej afro 90 për qind, edhe pse nuk kam raport të qartë financiar nga drejtoresha”, ka thënë Neziraj.
Sipas tij, me këtë gjendje Teatri Kombëtar i Kosovës rrezikon që të përballet me mosrealizim të plotë të programit të cilin e kanë parashikuar në fillim të vitit.
Ministria e Kulturës nuk jep shenjë se do t’i dalë në ndihmë TKK-së. Salih Morina, sekretar i përhershëm i MKRS-së, teksa ka konfirmuar refuzimin e kërkesës së këtij institucioni për buxhet shtesë, ka dhënë edhe arsyetimin për një vendim të tillë.
“Me gjithë kërkesën e Teatrit Kombëtar për një rritje të buxhet në kuadër të rishikimit të buxhetit për vitin 2010, ne nuk mund të ndajmë para të tjera përpos shumës prej 220 mijë eurosh. Kjo pasi MKRS-së i është bërë një ndarje jo aq sa kemi pasur kërkesa”, ka thënë Morina. Që teatri ta përballojë këtë gjendje, propozimi i Morinës është i prerë. “Të gjendet me atë buxhet që ka”, ka thënë ai. /Kohanet/
Promo
Reklamo këtuLufta Prigozhin - Putin
Më shumë“Lufta civile shqiptare”
Revolucioni i vitit 1821 në Greqi, ishte revolucion i shqiptarëve!
Çka nënkupton shatërvani?
Thënie të të famshmëve: Politika, një emër diplomatik për ligjin e xhunglës!
Baba!
Përshkrim i Shqipërisë natyrale, të 120 viteve më parë: Natyra, tregtia, pasuria, qytetet, njerëzit...
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'