Shkolla u shpërndan nxënësve kompjuterë tablet iPad

Nëse mundet Oprah Winfrey, pse nuk mundet edhe shkolla. Katër shkolla të mesme në një njërën prej qendrave më të mëdha financiare në botë, Singapor, kanë filluar t’u shpërndajnë nxënësve të vet Apple iPad për t’i liruar ata nga bartja ditore e çantave përplot me libra.

Shkolla e lartë për vajza Nanyang ka shpenzuar 100.000 dollarë për blerjen e 150 kompjuterëve iPad për 140 nxënës dhe 10 mësues. Ky projekt pilot tani për tani u mundëson nxënësve të lidhen në internet dhe me anë të tabletëve të tyre të shkarkojnë libra, doracakë dhe materiale tjera edukimi të cilat u nevojiten për mësim.

Në iPad ata po ashtu mund të shkruajnë edhe skriptet e tyre nga ligjëratat.

“Kjo është shumë më praktike”, ka thënë për agjencinë e lajmeve Reuters 14-vjeçarja Chloe Chen.”Arsimtarët vetëm mund të na thonë të shkojmë në ndonjë faqe interneti dhe ne mund ta vizitojmë dhe fillojmë të punojmë aty për aty”, ka shtuar ajo.

Vitin e kaluar moderatorja e shout të megapopullarizuar secilit prej të punësuarve të saj u ka dhuruar nga një iPad dhe çek prej 10.000 dollarësh.

Dekani i shkollës Nanyang, Seah Hui Yong, ka thënë se iPad është përzgjedhur sepse është “komplementar për metodën e re të arsimit i cili studentëve u ofron më shumë liri që të mësojnë vetvetiu, në vend se të mbështeten ekskluzivisht në mësuesit në klasat tradicionale”. /Telegrafi/