8 Marsi i kujt?
Dita e gruas është ditë me përmasa ndërkombëtare dhe manifestohet e festohet që nga shekulli I kaluar. Kjo ditë është e veçantë për gruan dhe festohet edhe në Republikën e Kosovës, dhe sheshet e qyteteve tona mbushen me lule që shiten me të madhe për dhurata dedikuara për gjininë femërore. Asgjë e keqe më këtë, bile shumë bukur!
Vërtetë një traditë e mire për të mbajtur gjallë aspiratat e femrave që të emancipohen dhe të jenë pjesë e barabartë në sfida dhe mundësitë për t’u kujdesur e ruajtur familjen, shoqërinë dhe shtetin. Esenca apo thelbi i kësaj tradite me këto ingredienca është i domosdoshëm për t’i dhënë hov zhvillimit që nis nga familja që është baza e shoqërisë, për të vazhduar në shtresëzimin e zhvillimit në kulmin shtetëror.
Me dashje apo pa dashje, ingrediencat e kësaj tradite janë zbehur dhe pothuajse shënimi i kësaj dite është shndërruar në një motor të festave, për tu mbledhur, dëgjuar muzikë dhe për të vallëzuar. Asgjë e dëmshme me këto festa, bile-bile relaksim, por disi më shumë po festohet sesa po tentohet të artikulohen problemet, vështirësitë që po ndeshen femrat brenda shtetit tonë. Po krijohet një bindje se gjithçka është arritur dhe se i kemi tejkaluar shtetet që radhiten në top listën e vendeve për barazi në mes gjinive.
Ne nuk mund të lejojmë vetës komoditetin dhe të vetëkënaqemi që kemi presidenten femër apo disa femra ministre. Jo. Barazia gjinore nuk është e mjaftueshme të tregohet me numra apo me simbole, por duhet që tregohet në të gjitha instancat ku femra është e vlefshme dhe të çmohet për punën, angazhimin dhe kontributin e vet.
Është shumë e vërtetë që në shtetin tonë ekziston ligji për barazi gjinore që nga vitit 2004 dhe se femra shqiptare nuk është në margjinat e pabarazisë. Por, megjithëkëtë nuk është aty ku duhet të pozicionohet e të dëshmojë kualitetin e vetë përmes punës dhe aftësive që i zotërojnë, dhe që në këtë mënyrë të nxisë konkurrencën mes gjinive gjë që drejtpërdrejt rezulton në ngritjen e konkurrencës në nivel shtetëror.
Me synim të implementimit të ligjit për barazi gjinore duhet të veprohet që të parandalojmë pabarazinë, pasi që pabarazia edhe vetëm si koncept nuk mund të bashkëjetojë në një shtet me sistem demokratik. Po ashtu, me përpjekjen për arritjen e barazisë luftohen shumë dukuri të shëmtuara nga femra e meshkuj të papërgjegjshëm që shpërfaqen në shtetin tonë dhe duke luftuar pseudovlerat me dinjitet ta mbështetim dhe forcojmë familjen shoqërinë dhe shtetin.
Femrat të cilat janë deputete në Kuvendin e Kosovës janë pikërisht ato të cilat e kanë përgjegjësinë, që ta bartin traditën e 8 Marsit dhe të bëjnë përpjekje për barazi në mënyrë shumë më fuqishëm: jo vetëm në Kuvend, por kudo që të gjinden ato – në çdo mbledhje, seancë apo takim që e mbajnë si në sferën private, ashtu edhe në atë publike.
Deputetet tona duhet të jenë shumë më aktive se sa deri më tani dhe të mbajnë konferenca, seminare e debate të paktën një herë në muaj nëpër qytetet e Kosovës, me tema të ndryshme, me qëllim të sensibilizojnë nevojën e ngritjes së nivelit të barazisë në mes gjinive.
8 Marsi është i të gjithëve, sepse të gjithë fitojnë nga barazi në ndarjen punëve, përgjegjësive dhe marrjen e obligimeve familjare, shoqërore e shtetërore. Mu për këtë, kjo festë duhet jetë e të gjithëve dhe çdo ditë në agjendë e jo vetëm një herë në vit.
Lufta Prigozhin - Putin
Më shumëUEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Ekspertët kanë zbuluar se si duhet të duket vagjina normale
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës