0Shares

Shtetet e Bashkuara të Amerikës përkrahin vazhdimin e dialogut në mes Kosovës dhe Serbisë dhe shpresojnë se do të rezultojë me sukses raundi i nesërm i bisedimeve, ka deklaruar zëdhënësja e Departamentit të Shtetit, Victoria Nuland.

Nuland ka thënë se SHBA vlerëson se Kosova dhe Serbia duhet të normalizojnë raportet dhe të heqin dorë nga trashëgimia e së kaluarës.

“Angazhohemi për normalizim të marrëdhënieve, që do të çonin në përparim ekonomik dhe në rrugën evropiane të dy shteteve", ka thënë Nuland, transmeton Tanjugu.

Zëdhënsja e Departamentit të Shtetit posaçërisht ka potencuar falënderimin e SHBA-së për përfaqësuesen e lartë të BE-së, baroneshën Catherine Ashton, duke potencuar se ish- Sekretarja amerikane e Shtetit. Hillary Clinton, bashkë me baroneshën Ashton ka zhvilluar vizita në rajon në përkrahje të dialogu.

Raundi i tetë i bisedimeve në mes Kosovës dhe Serbisë do të mbahet nesër në Bruksel. /Telegrafi/

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)