Kryeshefi ekzekutiv i Postë Telekomit të Kosovës (PTK), Ejup Qerimi, është pajtuar që të ekzekutojë vendimin e bordit për kthimin prapa të parave që kanë marrë punëtorët e kësaj kompanie gjatë vitit që lamë pas në formë bonusi. Në fund të vitit që lamë pas menaxhmenti i PTK-së ka ndarë rreth 1 milion euro bonuse për punëtorët e këtyre dy njësive, duke i diskriminuar rreth 1000 punëtorë të Postës.
Vendimi për bonuset i kishte revoltuar këta të fundit, ku më pas Komisioni i Ministrave për Ndërmarrje Publike anuloi bonuset për punëtorët, me ç’rast iu kërkua Bordit të Drejtorëve ta zbatojë vendimin e Komisionit.
Para pak ditësh bordi e ka anuluar vendimin për ndarjen e bonuseve, ku ka autorizuar kryeshefin ekzekutiv, Ejup Qerimin, për kthimin e bonuseve, mirëpo ky i fundit ende nuk e ka zbatuar vendimin e Bordit.
Burime të gazetës “Zëri” bëjnë të ditur se para pak ditësh ministri i Zhvillimit Ekonomik, Besim Beqaj, ka pasur një takim me kryetarin e bordit të PTK-së, Rexhë Gjonbalaj, kryeshefin ekzekutiv, Ejup Qerimi, si dhe me përfaqësues të sindikatës së punëtorëve të kësaj kompanie. Sipas këtij burimi, ministri Beqaj ka kërkuar nga kreu i bordit Rexhë Gjonbalaj që të ekzekutohet vendimi për kthimin prapa të bonuseve, por shefi i bordit i ka bërë me dije ministrit se për një gjë të tillë përgjegjës është kryeshefi Ejup Qerimi që ka qenë prezent në atë takim.
“Gjatë takimit kryeshefi i PTK-së i është zotuar ministrit Beqaj se ai do të gjejë mundësinë për kthimin prapa të bonuseve të jashtëligjshme. Si mundësi ai ka propozuar që punëtoreve t’ua ndalë me rata paratë që ata kanë marrë në fund të vitit që lamë pas”, tha burimi i besueshëm i gazetës “Zëri”. Më tej burimi i gazetës thotë se gjatë gjithë takimit ministri Beqaj ka këmbëngulur dhe ka mbajtur qëndrimin e tij se dhënia e banueseve ka qenë ilegale, dhe, sipas tij, sa më shpejt që është e mundur ato para duhet të kthehen në llogarinë e PTK-së.
Po ashtu, zyrtarë të kësaj zyre nuk janë përgjigjur edhe në numrat e tyre zyrtarë gjatë gjithë ditës së mërkurë. /Telegrafi/
Lufta Prigozhin - Putin
Më shumëU hap panairi Horeca, "Zgjidhje për çdo shef" - Një sinjal pozitiv për gastronominë dhe hotelerinë
Pasuria e guvernatorit të BQK-së, drejtorit ATK-së dhe drejtorit të Doganës
GoBau – Kositëse bari
KEDS: Elektroseveri ka filluar t’i vendosë njehsorët e rrymës në veri
EBC Cosmetics vjen me zbritjen më të madhe vjetore
StaffiX ofron trajnim për Bazat e Menaxhimit të Burimeve Njerëzore
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre