Për të gjithë adhuruesit e filmit “E bukura dhe Bisha”, së shpejti vjen versioni real i filmit (Foto)

Për të gjithë ju fansa të një prej filmave më të njohur vizatimorë “E bukura dhe Bisha”, nëse keni menduar se historia e këtij filmi përfundoi me fundin e lumtur në vitin 1991, atëherë e keni gabim.

Historia e këtij filmi do të ripërsëritet sërish në vitin 2017, me versionin më të ri të filmit, i cili kësaj here do të jetë film me aktorë dhe skena reale.

Lajmi për këtë gjë u bë i ditur nga kopertina e revistës prestigjoze “Entertainment Weekly”, e cila publikoi disa pamje të aktores Emma Watson në rolin e princeshës Bella nga filmi “E bukura dhe Bisha”, shkruan Telegrafi.

Tifozët e “Disney” janë ndezur menjëherë kur kanë parë se filmi i tyre më i preferuar vizatimor, po realizohet edhe në versionin e vërtetë.

Interesimi më i madh, është shfaqur edhe në momentin kur mbrëmë (e premte) janë publikuar disa imazhe të shkurtra nga xhirimet e filmit në rrjetin social SnapChat.

Filmi është menduar që të ketë të njëjtin koncept si ai i animuar, por sigurisht që do ketë edhe skena të reja dhe improvizime.

Lexo po ashtu Dhjetë imazhe të rralla nga xhirimet e filmit Titanik (Foto)

Xhirimet e skenave të para kanë përfunduar këto ditë, gjersa entuziazmi i fansave për të parë versionin e vërtetë të filmit ka ngjallur shumë interesim edhe në media.

Në rolet kryesore të filmit do të luajnë aktorja e njohur Emma Watson në rolin e princeshës Bella (E Bukura), gjersa Bisha, i cili si personazh do të realizohet me efekte të ndryshme të makijazhit, do ta luajë aktori Dan Stevens.

Filmi do të jetë i gatshëm për shikuesit në mars të vitit 2017. /Telegrafi/