0Shares

Bora që po bie tash e katër ditë ka vështirësuar në masë të madhe lëvizjen e qytetarëve si dhe automjeteve në komunën e Pejës.

Qytetarët e kanë jashtëzakonisht të vështirë të kryejnë obligimet e tyre ngase trotuaret janë të bllokuara nga bora që largohet nga rruga dhe hidhet në trotuare, ndërkohë që qytetarëve u duhet të ecin nëpër rrugën e automjeteve duke e rrezikuar kështu edhe jetën e tyre.

Edhe pse zyrtarët e Policisë Rajonale të Pejës thonë se rrugët kryesore janë të hapura për qarkullim , po ashtu edhe pikat kufitare, vështirësitë më të mëdha po hasen nëpër fshatra që në shumicë e fshatrave të Pejës sot nuk është zhvilluar as procesi mësimor, transmeton Kosovapress.

Zyrtari për informim në Drejtorinë Rajonale të Policisë në Pejë, Xhevat Ibra ka thënë se të gjitha rrugët kryesore janë të kalueshme për automjete.

Ibra apelon tek të gjithë pjesëmarrësit në komunikacion që të kenë pajisje dimërore si dhe të shtojnë kujdesin në komunikacion. /Telegrafi/

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)