Zyrtare: Bledi Shkëmbi largohet nga Liria e Prizrenit

Trajneri nga Shqipëria, Blendi Shkëmbi ka konfirmuar largimin e tij nga ekipi prizrenas, Liria.

Shkëmbi erdhi në fillim të sezonit te Liria dhe pati një sezon të mirë, duke qëndruar në pjesën e epërme të tabelës për shumicën e sezonit.

Lexo po ashtu Dy të mbijetuarit e vetëm në Superligë

Megjithatë, problemet financiare të ekipit prizrenas bënë që fundi i sezonit të mos jetë edhe aq i mirë dhe Liria të përfundoj në pozitën e shtatë me 48 pikë, por me pikët të barabarta me vendin e pestë dhe të gjashtë.

Këto probleme bënë që Shkëmbi të ofrojë dorëheqjen gjashtë apo shtatë ndeshje para fundit, por e cila nuk u pranua nga kryesia.

Tani pas përfundimit të sezonit, trajneri shqiptar ka konfirmuar që përfundimisht ka ndarë rrugët me Lirinë.

https://www.instagram.com/p/Bi98sRjlKC1/?utm_source=ig_embed

Shkëmbi i ka falënderuar kryesinë e klubit për mundësinë e ofruar për të drejtuar së pari herë një skuadër dhe lojtarët për punën e bërë.

Lexo po ashtu Shkëmbi konfirmon negociatat me Feronikelin

Ish-legjenda e futbollit shqiptar ka thënë se largohet nga një qytet ku e kanë respektuar shumë dhe e kanë bërë të ndihet i veçantë.

Gjithashtu Shkëmbi ka thënë se kjo nuk është një lamtumirë, por një mirupafshim duke shpresuar se në një të ardhme do ta drejtoj përsëri Lirinë. /Telegrafi/