Zënkë me gruan, ajo i kërkoi divorcin – thotë se nuk deshi ta vriste, por vetëm sa për ta trembur (Foto)

Një histori e rëndë ka ndodhur në një familje, kur babai e sulmoi nënën e foshnjës së tij.

Siç shkruajnë mediat e huaja, përcjell Telegrafi, bëhet fjalë për Mark Mahoney e sulmoi Vikki Hull, pikërisht në shtëpinë e babait të saj në Liverpool.

Dëshmitar i ngjarjes së tmerrshme ka qenë edhe babai i vajzës i cili e kishte gjetur në vajzën e tij të shtrirë në divan, në shtëpinë e tij.

Ndonëse fillimisht kishte menduar se po flinte, Babai i vajzës kishte shkuar në shtëpi pak pas mesnate, duke u ngjitur fillimisht në katin e dytë të shtëpisë. Kur kishte zbritur poshtë ai e kishte gjetur të bijën në divan dhe fillimisht kishte pandehur se ajo po flinte gjumë.

Por kur ishte afruar, kishte vërejtur se vajza e tij nuk po lëvizte dhe nuk po merrte frymë, me çka edhe kishte lajmëruar policinë dhe emergjencën.

Ajo thuhet se me gjithë tentimet e mjekëve, ishte shpallur e vdekur në spital.

E gjithë kjo ngjarje thuhet se ka ndodhur për shkak se burri kishte qenë i dehur dhe “i zemëruar” sepse ajo i kishte thënë që të mos afrohej, madje duke i kërkuar edhe divorcin.

Siç ka thënë vetë ai, ai nuk kishte tentuar ta mbyste, vetëm se sa për ta trembur.

Ai më pas është arrestuar dhe është dënuar me burg të përjetshëm. /Telegrafi/