Zelensky në iftar me përfaqësues të komunitetit mysliman në Ukrainë

Presidenti ukrainas Volodymyr Zelensky ka marrë pjesë dje në iftarin tradicional, i shoqëruar nga eprorët ushtarakë që i përkasin besimit islam.

Të pranishëm në iftarin tradicional ishin edhe udhëheqja politike e vendit, komanda ushtarake, përfaqësues nga komuniteti mysliman ukrainas, mexhlisi i tatarëve të Krimesë dhe diplomatë të huaj.

Në këtë muaj të shenjtë të Ramazanit, Zelensky bërë thirrje për unitet që thotë se është shumë i rëndësishëm në veçanti në kohë lufte dhe goditjesh të këqija, transmeton Telegrafi.

Lexo po ashtu Zelensky i përgjigjet ashpër akuzave të Putinit për sulm terrorist: Krijesë e sëmurë dhe cinike

“Që nga 11 marsi, kur filloi Ramazani, nuk ka patur as edhe një ditë të qetë – pa terrorin rus për të gjithë ukrainasit dhe komunitetin mysliman ukrainas. Por asgjë nuk është e shenjtë dhe me vlerë për Putinin, atij nuk i bëhet vonë se kush vuan apo cilin besim e shkatërron sepse ai beson vetëm në dhunë. Për këtë ai duhet të humb dhe është e domosdoshme që të sigurohemi për këtë dhe të kontribuojmë të gjithë”, tha Zelensky para se të shtrohej iftari.

Ai krejt për fund tha se Ramazani i sjellë bekime të gjithëve – “popullit dhe shtetit ukrainas”.

“Ramazani na sjellë bekime të gjithëve – popullit dhe shtetit tonë. Uniteti ynë le të qëndrojë i fortë. Ramazan Mubarak”, ka shkruar Zelensky. /Telegrafi/

Today, I attended an iftar.

Last year, we established a new tradition of celebrating the holy Ramadan together: our country's political leadership, the military command, representatives from the Ukrainian Muslim community, the Crimean Tatar Mejlis, and the diplomatic corps.… pic.twitter.com/mbPvS4uqYp

— Volodymyr Zelenskyy / Володимир Зеленський (@ZelenskyyUa) March 25, 2024