Zaev: Shtohet fronti opozitar (Video)

Në frontin e Maqedonisë demokratike, është bashkangjitur edhe Aleanca për Maqedoni Pozitive, njoftoi sot Zoran Zaev, lideri i LSDM-së, transmeton Telegrafi Maqedoni.

“Mbështetja e platformës për Maqedoni demokratike rritet. Rritje deri më tani nga partitë politike, informacione pozitive që vijnë nga organizatat e shoqërisë civile dhe shumë intelektualë dhe do të rritet edhe në periudhën që vjen. Motivim i veçantë nga të gjithë këto absurditete që kanë ndodhur në vend, për fat të keq edhe nga njeriu që kryen funksionin si President i shtetit. Mua më vjen mirë që janë bashkuar partitë ku në të kaluarën nuk kemi pasur ndonjë bashkëpunim të drejtpërdrejtë përveç parimit, që kanë për qëllim interesat e shtetit. Sot këtu me Aleancën për Maqedoni Pozitive, me njerëz që i njohim, miqtë tanë, njokëhisht që jemi këtu, krah për krah të bashkuar, pa paragjykime, me të vetmin qëllimi, për Maqedoninë tonë dhe qytetarët e Maqedonisë sonë. Unë dua të dërgojë një mesazh të vazhdojnë të mbështesin këtë platformë, e cila është e përbashkët, e cila është qytetare”, tha Zaev.

Qëllimi i platformës është për zgjedhje të rregullta, të lira dhe të ndershme, sundimi i ligjit, mediave të lira, rivendosjen e sundimit të ligjit, depolitizimin e institucioneve, forcimin e parimeve të barazisë në shoqërinë tonë dhe për të rivendosur pushtetin në duart e qytetarëve të Maqedonisë.

“Për këto vlera çdo qytetar të luftojë. Unë besoj se ne të gjithë do të qëndrojnë deri në luftën e fundit për kthimin e Maqedonisë përsëri në një vend normal, një vend stabil, duke ecur drejt integrimit euro-atlantik”, shtoi lideri i LSDM-së. /Telegrafi/