Xhuli e Big Brother bëhet këngëtare

Njëra nga femrat më atraktive që ka pasur Big Brother, Xhuli, është duke menduar t’i përkushtohet muzikës.

Bukuroshja vazhdimisht po tërheq vëmendjen e mediave me çdo veprim të sajin, që e mbajtur atë ende të njohur.

Por në një prononcim të fundit për Panorama Plus, Xhuli ka treguar rreth angazhimeve të saj, përfshirë edhe angazhimin si këngëtare në një klub karaokesh në vlorë.

“”Po merrem me disa evenimente në qytetin e Vlorës, më saktë do këndoj në karaoke si këngëtare. Në karaoke zakonisht kam qenë gjithmonë kliente, por duke e përvetësuar mirë, kam mësuar të menaxhoj dhe nuk është ndonjë vështirësi e madhe. Mjafton të kesh zë e t’i bësh njerëzit të ndihen mirë dhe t’i detyrosh të çohen nga tavolina e të këndojmë bashkë”.

“Është diçka emocionuese sepse unë kur këndoj, e largoj gjithë stresin e javës, diçka që më ka pëlqyer gjithmonë, pastaj me kalimin e kohës mund edhe të bëj ndonjë këngë plus, pasi shumë këngëtarë më kanë thënë se e kam zërin”,ka thënë ajo. /telegrafi/