Gjesti pyetet nga Xheneta se a do të bënte marrëdhënie intime brenda shtëpisë së BBVK: Pse jo, ne po bëjmë gjëra edhe më të këqija këtu

Në edicionin e tretë të “Big Brother VIP Kosova”, bisedat mes banorëve vazhdojnë të sjellin tema që nxisin diskutime dhe debate.

Një nga bisedat e fundit mes banorëve Xheneta, Gjesti, Leo dhe Lela u përqendrua te marrëdhëniet intime, duke zbuluar qëndrime dhe mendime të ndryshme mbi këtë temë.

Gjatë bisedës, Leo i bëri një pyetje të drejtpërdrejtë Gjestit, duke e pyetur nëse do të kryente marrëdhënie brenda shtëpisë së “Big Brother”.

Gjesti u shpreh se nuk do ta përjashtonte një mundësi të tillë, ndërsa Xheneta, duke e marrë me shaka situatën, iu drejtua kamerës dhe tha: “Vëllai i madh, a po dëgjon? Mos e largoni Gjestin, sepse ky po thotë se do të kryejë marrëdhënie intime”.

Gjesti vazhdoi të shprehte mendimin e tij, duke argumentuar se marrëdhëniet intime nuk duhet të konsiderohen si tabu apo veprime të gabuara në një kontekst ku gjithçka tjetër po ndodh para kamerave. “Ne po bëjmë gjëra edhe më të këqija që po e qesim veten keq, kjo (seksi) është mirë”, tha ai, duke sjellë një këndvështrim më të hapur për këtë çështje.

Këto biseda brenda “Big Brother VIP Kosova” kanë ngritur shpesh diskutime edhe jashtë shtëpisë, me ndjekës që reflektojnë mbi çështjet e intimitetit dhe normat sociale në formate televizive të tilla. /Telegrafi/