Vuçiq: Për Kosovën do të na ofrohet zgjidhje, të cilën nuk do ta pranojmë

Presidenti serb, Aleksandar Vuçiq, ka thënë se sivjet Serbisë do t’i ofrohet një  zgjidhje për Kosovën, të cilën ai nuk do të mund ta pranojë.

Vuçiq, i cili ishte mysafir në një televizion serb “TV Prva”, duke komentuar deklaratat e fundit të akademikut serb Dushan Kovaçeviq, se ka frikë që “mbi kokën tonë [Serbisë] nuk është shpata, por gijotina, dhe se zgjidhja e çështjes së Kosovës na pret deri në vjeshtë dhe se BE, SHBA, Gjermania kanë vendosur ta zgjidhin këtë çështje”, ai tha se shumë kanë thënë se dikujt i ka premtuar pavarësinë e Kosovës, por jo.

“Vucic nuk e gënjeu askënd, ai nuk është gënjeshtar”, thotë presidenti serb, përcjell Telegrafi.

“Në fund, i vetmi Vuçiq në thelb hodhi poshtë planin që t’i lejonim [Kosovën] të anëtarësoheshin ë Kombet e Bashkuara”.

Ai theksoi se njerëzve u pëlqen të shesin patriotizëm, “por që të gjithë po mendojnë për një ide imagjinare, jo për situatën aktuale në terren”.

“Do të ofrojnë një zgjidhje të cilën ne nuk do të jemi në gjendje ta pranojmë. Jam i bindur për këtë, dhe kjo do të ndodhë këtë vit. Do të përpiqen të na japin garanci për BE, por me kusht që ta njohim Kosovën, dhe do të na ofrojë status të veçantë për serbët në disa zona. Dhe çfarë atëherë? Unë do ta pyes popullin. Para tre vjetësh e pyeta, dhe askush nuk e deshi këtë”, tha Vuçiq.

I pyetur se çfarë do të bënte nëse para tij do të vinte një ultimatum, ai u përgjigj se duke thënë “do ta shihni edhe atë”.

“Do ta shihni. Por, është e sigurt se asnjëherë nuk kam pranuar ultimatume, sikurse është e sigurt se do të angazhohem të gjej zgjidhjen më të mirë për popullin serb, por edhe të përpiqem që të mos rrezikoj paqen dhe stabilitetin dhe të mos e fusim Serbinë në luftë”, ka thënë presidenti serb. /Telegrafi/