Vodhën dy biçikleta, shihni si e turpëruan çiftin rrugëve të Indonezisë (Foto)

“Jam një hajdut: mos bëni si unë”. Është ky mbishkrimi i sikletshëm i mbajtur në qafë nga një burrë dhe një grua australianë, ndërsa sfilonin në rrugët e një ishulli të vogël, Gili Trawangan në Indonezi.

Të dy janë detyruar nga autoritetet policore për “ecjen e turpit”, për shkak se kishin vjedhur dy biçikleta.

Praktika e dënimit duket se është përdorur rregullisht nga forcat lokale për t’u kthyer në mësim për të tjerët dhe për të pranuar fajin.

Dy turistët janë filmuar nga telekamerat e sigurisë ndërsa vidhnin dy biçikleta në ishullin e vogël pranë Balit, përcjell gsh.

Autoritetet kanë aplikuar një dënim të veçantë, por shumë të vlefshëm: ecja e turpit. Ishulli, sipas “The Guardian”, është shumë i vogël për të pasur një organ policie, ndaj dhe janë qytetarët ata që kujdesen për sigurinë.

Këta njerëz nuk janë të punësuar, por thjesht mbikëqyrës. Dënimet kanë tendencë për të penguar të tjerët nga kryerja e të njëjtës vepër penale. Ishulli është shumë i vogël. Ai ka një popullsi të përhershme prej 800 banorësh, ndërsa turistët dyfishojnë numrin e tyre.