Vlerësime pozitive për Ardita Statovcin

Pianistja nga Prishtina, Ardita Statovci, ka marrë kritika pozitive nga analistët për performancën e saj në Schloss, Traun.

Kritikë nga gazeta Kronenzeitung

Nga Balduin Sulzer (Kronenzeitung)

Një recital shumë i këndshëm pianistik në Schloss Traun: në skenë një pianiste e re nga Prishtina, Ardita Statovci, e cila në pjesët poetike të programit nga Schuberti dhe Brahmsi të priste me një formim tingulli të butë të e të diferencuar.

Në dy kohët e para të Sonatës b-Mol të Chopinit e veçanërisht në Sonatën e Bartokut (1926), artistja të përfitonte me një “tingëllimë telash” eksplozive, të fuqishme e të kthjelltë të një kualiteti super-elitar.

Diku në mes te këtyre veprave u dëgjua një lojë e kristaltë margaritarësh të Sonatës së Moxartit KV 567.

Prove talenti e një pianisteje të re

Nga Christina Gruber (Neues Volksblatt)

Institucioni kulturor i Traunit, Vest, ia ka dalë që ta ftojë një pianiste të re nga Prishtina (Kosova) për një mbrëmje në Schloss.

Ia vlen që të udhëtosh për të shkuar në Traun apo edhe kudo tjetër, për të dëgjuar Ardita Statovcin (1982*), e gjate dhe elegante ashtu siç u paraqit në skenë.

Ajo u dëshmua me kapje të fuqishme të një morie tingujsh të dendur, siç gjenden te Sonata e Bartokut e vitit 1926, pastaj me lojën prej margaritarësh të Sonatës në b-mol të Chopinit, e posaçërisht me servimin virtuoz dhe me ndjesi të Sonatës së Moxartit KV 567.

Shkollimin e saj gjithëpërfshirës, ajo e vërtetoi dhe e dëshmoi edhe me përzgjedhjen e programit. Audiencën e shumte në Schloss Traun, artistja nga Ballkani e përfitoi me dhënien e ngjyrës së ndjeshme të atmosferës romantike të pjesët e Schubertit D 946.
Kur ajo pastaj për Bis e bëri të rrëshqiste si margaritar një pjesë bravuroze nga György Kurtag, ishte e qartë: emri Statovci duhet të mbahet mend.

/Telegrafi/