Veturat e përdorura po shtrenjtohen në Gjermani

Mesatarisht, blerësit e një makine të përdorur duhet të paguajnë rreth 800 euro më shumë se në janar 2020.

Tregu gjerman i makinave përjetoi një rënie prej 30 për qind në janar, krahasuar me të njëjtin muaj në vitin 2020, kryesisht për shkak të masave pandemike dhe pasigurisë ekonomike.

Aktualisht, vetëm shitja e makinave elektrike të subvencionuara nga shteti po rritet, ndërsa nga ana tjetër, makinat e përdorura po bëhen më të shtrenjta, transmeton Telegrafi.

Mesatarisht, blerësit e makinave të përdorura aktualisht duhet të paguajnë rreth 800 euro më shumë se në janar 2020, sipas të dhënave të mbledhura nga AutoScout24.

Indeksi i çmimeve të makinave të përdorura, shkurt AGPI, regjistroi një rritje të çmimeve të makinave të përdorura në fund të vitit të kaluar, ndërsa në fillim të këtij viti kjo rritje u tejkalua ndjeshëm.

Nëse shikoni segmentet e automjeteve, rritjet e çmimeve vërehen kryesisht në rastin e makinave të vogla dhe automjeteve të klasës së mesme dhe të sipërme. /Telegrafi/