Ushtari ukrainas dhe ai rus, në një betejë deri në vdekje – nderojnë njëri-tjetrin në momentet e fundit të jetës

Në vijën e parë të frontit në Ukrainë, u regjistrua një moment emocionues kur një ushtar i plagosur ukrainas dhe pushtuesi rus treguan respekt të ndërsjellë në çastet e fundit të jetës së luftëtarit ukrainas.

Gjatë një beteje që ndodhi në rrënojat e një ndërtese të shkatërruar nga konfliktet, kamera në helmetën e ushtarit ukrainas dokumentoi skena prekëse.

Pamjet tregojnë sesi dy ushtarët hapën zjarr ndaj njëri-tjetrit, duke kaluar më pas në një përleshje të ashpër trup më trup.

Lexo po ashtu Ushtari rus nuk dorëzohet, ukrainasit e vrasin - pamje dramatike nga fronti i luftës

Ushtari ukrainas arriti ta kapë armën automatike të kundërshtarit rus, por përballja përfundoi tragjikisht.

Ushtari rus nxori një thikë dhe i dha një goditje vdekjeprurëse, duke e plagosur ukrainasin rëndë në kofshë.

Ndërsa gjakonte dhe binte përtokë, ushtari ukrainas i drejtoi fjalët e fundit nënës së tij “Kaq ishte, nënë. Lamtumirë”.

Në një moment që preku shumë njerëz, ushtari rus, i vetëdijshëm për seriozitetin e situatës, iu afrua të plagosurit, u ul në gjunjë pranë tij dhe i dha një nderim të fundit.

Shiko videon duke klikuar KËTU. /Telegrafi/