Gjykata për Krimet e Rënda urdhëroi dje shtrimin e detyruar në një spital psikiatrik të Leonsjo Nikës, emigrantit 29-vjeçar të akuzuar për vrasjen me armë zjarri të dy prindërve të tij.
Krimi në familjen Nika ndodhi më 29 qershor, në banesën e tyre në Xhafzotaj të Durrësit.
Vendimi i djeshëm i Krimeve të Rënda u bazua në një akt-ekspertim psikik të kryer ndaj të akuzuarit, shkruan “Panorama”.
Në konkluzionet e akt-ekspertimit thuhej se i dyshuari Nika vuante nga çrregullime mendore, çrregullime të forta psikotike të paranojës dhe se, si i tillë, ishte i papërgjegjshëm përpara ligjit.
Për këtë shkak, ai nuk mund t’i nënshtrohet gjykimit për veprën e kryer prej tij, pasi nuk është i përgjegjshëm për veprimet e tij.
Para këtyre provave dhe rrethanave, gjykata vendosi zëvendësimin e masës së sigurisë së dhënë më herët për Nikën, atë të “arrestit në burg” me afat 60-ditor, me në atë të “shtrimit të detyruar në një spital psikiatrik”.
Pritet që i akuzuari Nika të dërgohet në burgun e Zaharisë, si institucioni i vetëm në vend ku mbahen personat e përfshirë në krime, por që kanë probleme të shëndetit mendor.
Paqëndrueshmëria mendore e 29-vjeçarit u pretendua nga avokati i tij mbrojtës që në seancën e caktimit të masës fillestare të sigurisë për të, pas krimit në familje.
Edhe vetë i dyshuari në seancën në fjalë, të zhvilluar më 1 korrik 2017, shfaqi gjendje jonormale emocionale.
Përveç konfirmimit të gjeneraliteteve, i dyshuari Nika nuk mundi të japë një deklarim të qartë për ngjarjen.
“Nuk e kuptoj. Pse, unë i vrava? Pse e bëra?”, është shprehur Nika.
Ngjarja për të cilin u arretua Nika tronditi opinionin publik në ditët e fundit të muajit qershor. Nika qëlloi me armë zjarri, duke lënë të vdekur në vend të atin Ali Nika, 70 vjeç, dhe të plagosur të ëmën Jumrie Nika, 66 vjeçe.
Sipas Prokurorisë për Krimet e Rënda, ai jetonte si emigrant ekonomik në Itali dhe se ai ishte kthyer nga ky vend në shtëpinë ku jetonin dhe prindërit e tij në Xhafzotaj të Durrësit.
Në ditët e qëndrimit në Shqipëri ai ishte vendosur në papafingon e banesës.
Në deklarimet e dhëna në Polici, ai ka rrëfyer se mëngjesin e ngjarjes, ai ka zbritur dhe ka marrë një armë gjahu me leje, që mbahej nga babai i tij.
Më tej, përmes kësaj arme, ai ka qëlluar fillimisht të ëmën dhe më pas të atin. Sipas burimeve, para se të shkrepte armën, ka pasur edhe një debat të fortë mes tyre.
IU GJETËN ILAÇE NË BANESË
Dyshimet për probleme mendore te Leonsjo Nika janë vënë re menjëherë pas arrestimit të tij si autor i dyshuar i krimit të dyfishtë brenda familjes. Ai ka dhënë deklarime kontradiktore për oficerët e Policisë Gjyqësore në Policinë e Durrësit.
Fillimisht ai është shprehur se nuk mbante mend të ketë qëlluar prindërit. Më pas ka dhënë një tjetër version, duke thënë se prindërit kishin refuzuar t’i jepnin lekë për të udhëtuar drejt Italisë. Nga ana tjetër, pas ngjarjes, kontrolli policor në banesën e tij ka gjetur antidepresantë ambulatorë.
Promo
Reklamo këtuLufta Prigozhin - Putin
Më shumëNga Rubrika
Liria e shtypit në Ballkanin Perëndimor, Maqedonia renditet e 36-ta
Rama: Spitali i Kryeqytetit po bëhet, shumë shpejt projekti do të tenderohet
Ferizaj, një grua raporton se vajza e saj është marrë nga një person i panjohur – dyshohet se ka kryer marrëdhënie seksuale me të
“Ushtria digjitale” e Kurtit në front kundër gazetarëve
Ambasadori i Finlandës: Anëtarësimi i Kosovës në NATO do të bëhet realitet
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
“Paratë, ose do të vras djalin”, polici kërcënon qytetarin se nuk i dha ryshfet
Vranët dhe me riga shiu
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe