Ukrainasit përfundojnë me sukses trajnimet për tanket Leopard 2

Ushtarët e Ukrainës kanë përfunduar me sukses trajnimet për të manovruar me tanket gjermane të njohura si Leopard 2.

Kështu së paku ka deklaruar deputetja ukrainase, Kira Rudik, e cila ka publikuar disa imazhe në rrjetet sociale të ushtarëve në Gjermani.

“Ushtarët ukrainas kanë përfunduar stërvitjen e tyre mbi tanket Leopard 2 në Gjermani. Jemi krenarë dhe të motivuar. Ne mezi presim ta fitojmë këtë luftë. Faleminderit të gjithëve që mbrojnë pozicionet e tyre dhe luftojnë për Ukrainën”, ka shkruar ajo në Twitter.

Ukrainian soldiers have completed their training on #Leopard 2 tanks in Germany. We are proud and motivated. We are looking forward to winning this war. pic.twitter.com/T6Ymh0g3El

— Kira Rudik (@kiraincongress) March 14, 2023

Gjermania konfirmoi në muajin janar se do t’i dhurojë 14 tanke Leopard 2A6 shtetit ukrainas dhe do t’i lejojë vendet partnere që të bëjnë gjënë e njëjtë pasi ajo posedon licencën.

Kancelari gjerman, Olaf Scholz ishte nën presion për javë të tëra rreth dorëzimit të tankeve të betejës të kërkuara nga qeveria e presidentit ukrainas, Volodymyr Zelensky.

Ndryshe, shumë shtete perëndimore do ta ndihmojnë forcën ushtarake ukrainase me tanke në luftën për çlirim nga okupatori rus. /Telegrafi/

Thanks to everyone who defends their positions and fights for Ukraine 🇺🇦 today we all can live at home and sleep well.

📷: Yevhenii Zavhorodnii pic.twitter.com/tibcFVIldr

— Kira Rudik (@kiraincongress) March 14, 2023