Ukraina u bën thirrje njerëzve që të “ndalojnë shpërndarjen” e videos që pretendon të tregojë prerjen e kokës së një ushtari ukrainas nga rusët

Një zyrtar i ministrisë së mbrojtjes ukrainase ka bërë thirrje që njerëzit të ndalojnë së shpërndarëi një video që pretendon të tregojë prerjen e kokës së një ushtari ukrainas.

“Ne kërkojmë të ndalohet shpërndarja e kësaj videoje, si dhe çdo pamje të ngjashme”, citohet të ketë thënë zëvendësministrja e Mbrojtjes e Ukrainës, Hanna Maliar, përcjell Telegrafi.

“Tani pasi të gjithë e kanë parë, prokurorët dhe Gjykata Ndërkombëtare duhet ta shikojnë atë”.

Ndryshe, dy video janë shfaqur në mediat sociale javën e kaluar: njëra pretendon të tregojë ekzekutimin e një ushtaraku ukrainas të kapur dhe tjetra pretendon të tregojë trupat e gjymtuar të dy ushtarëve ukrainas të shtrirë në tokë.

“Që në momentet e para pasi u shfaq videoja e ekzekutimit të një ushtari ukrainas nga rusët, të gjitha shërbimet kompetente ukrainase e kanë studiuar me kujdes për të identifikuar kriminelët e luftës”, tha Maliar në Telegram.

“Sonte, ne po bënim pikërisht këtë së bashku me agjencitë e tjera të zbatimit të ligjit dhe shërbimet speciale”, shtoi ajo.

Lexo po ashtu Reagon Zelensky, pas publikimit të pamjeve që tregojnë se si "bishat ruse" i prenë kokën një të burgosuri ukrainas të luftës

Maliar gjithashtu i bëri thirrje publikut që të përmbahet nga hamendësimi i identitetit të ushtarit në videon e dukshme të ekzekutimit, duke thënë se autoritetet “po bëjnë gjithçka për të identifikuar të ndjerin”.

Ndryshe, presidenti ukrainas Volodymyr Zelensky denoncoi të mërkurën “bishat” ruse pasi një video u shfaq në mediat sociale që pretendonte se tregonte prerjen e kokës së një të burgosuri lufte ukrainas.

“Ka diçka që askush në botë nuk mund ta injorojë: sa lehtë vrasin këto bisha… ne nuk do të harrojmë asgjë, as nuk do të falim vrasësit”, citohet të ketë thënë Zelensky në një mesazh në mediat sociale, duke u zotuar se do të sjellë drejtësi, përcjell Telegrafi.

Lexo po ashtu Ushtarët britanikë përshëndesin heronjtë ukrainas të cilët u nisën për në vijën e frontit, pas trajnimit disa javor në Mbretërinë e Bashkuar

Reagimi i tij vjen pas shfaqjes së imazheve në rrjetet sociale, të cilat pretendojnë se tregojnë një ushtar ukrainas të cilit i pritet koka.

Pamjet, të publikuara fillimisht në Twitter e pastaj të fshira nga aty, të cilat nuk ishin shumë të qarta, duket se janë filmuar gjatë verës për shkak të sasisë së bimëve në tokë.

Ato supozojnë të tregojnë një luftëtar rus duke përdorur një thikë për të prerë kokën e një ushtari ukrainas. /Telegrafi/